Ruth 1:13 - Yn Vible Casherick 1775 1819

¹³ Jinnagh shiu farkiagh er nyn son derrey harragh ad gys eash? jinnagh shiu fuirriaght gyn poosey er nyn son? cha vod eh ve, my chloan; son er y ghraih euish, ta mee dy mooar seaghnit, dy vel laue y Chiarn er n’gholl magh m’oï.

Ruth 1:13 ပူးပေါင်းရင်းမြစ်များ

Lioar Yob 19:21

Gow-jee chymmey jee’m, gow-jee chymmey jee’m, O shiuish my chaarjyn; son ta laue Yee er ventyn rhym.

Psalmyn 32:4

Son ta dty laue trome orrym laa as oie: as ta soo my chorp myr chyrmagh-loshtee yn tourey.

Briwnyn 2:15

Raad erbee dy jagh ad magh, va laue y Chiarn nyn ’oï son olk, myr va’n Chiarn er ghra, as myr va’n Chiarn er vreearrey daue: as v’ad dy mooar seaghnit.

Psalmyn 38:2

Son ta dty hideyn soit dy shickyr aynym: as ta dty laue lhie orrym dy trome.

1 Samuel 5:11

Myr shen hug ad fys, as haggil ad ooilley chiarnyn ny Philistinee, as dooyrt ad, Cur-jee ersooyl arg Yee Israel, as lhig da goll reesht gys e ynnyd hene, nagh jean eh shin hene, as y pobble ain y stroie: son va cragh baaish trooid ooilley’n ard-valley; va laue Yee feer trome orroo.

Deuteronomy 2:15

Son va dy jarroo laue’n Chiarn noi oc, dy stroie ad veih mastey’n cheshaght, derrey hie ad ooilley naardey.

Genesis 38:11

Eisht dooyrt Judah, rish Tamar e inneen-’sy-leigh, Jean tannaghtyn dty ven-treoghe ec thie dty ayrey, derrey vees my vac Shelah ny ghooinney: [son dooyrt eh, Er-aggle dy vow eshyn myrgeddin baase, myr hooar e vraaraghyn] as hie Tamar, as ren ee baghey ayns thie e ayrey.

Ruth 1:12

Chyndaa-jee reesht, my inneenyn, immee-jee reue; son ta mish ro henn dy phoosey. My yarrin, dy vel mee foast ayns treishteil, as sheshey ’ve aym yn oie shoh, as myrgeddin mec y ymmyrkey;

Ruth 1:14

As hrog ad seose nyn goraa, as cheayn ad reesht: as phaag Orpah e moir-’sy-leigh, agh duirree Ruth mâree.

Ruth 1:21

Hie mee magh lane, as ta’n Chiarn er chur lesh mee thie reesht follym: cre’n-fa eisht ta shiu genmys mee Naomi, fakin dy vel y Chiarn er m’y injillaghey, as ta’n Ooilley-niartal er choyrt seaghyn orrym?