Ruth 1:1 - Yn Vible Casherick 1775 1819

¹ Nish haink eh gy-kione rish lhing ny briwnyn, dy row gortey ’sy cheer: as hie dooinney dy row jeh Beth-lehem-judah dy chummal ayns cheer Voab, eh-hene, e ven, as e ghaa vac.

Ruth 1:1 ပူးပေါင်းရင်းမြစ်များ

Genesis 12:10

As va genney ayns y cheer; as hie Abram sheese gys Egypt, dy chummal ayns shen: son va’n genney dewil ayns y cheer.

Genesis 26:1

As va genney ’sy cheer, lurg y chied ghenney v’ayns laghyn Abraham: as hie Isaac gys Abimelech ree ny Philistinee, gys Gerar.

Genesis 43:1

As va’n ghortey trome ayns y cheer.

2 Samuel 21:1

Nish va gortey ayns laghyn Ghavid three bleeaney, bleïn lurg bleïn; as vrie David jeh’n Chiarn. As dreggyr y Chiarn, Te kyndagh rish Saul, as kyndagh rish e hie folley, er-yn-oyr dy dug eh gy-baase ny Gibeoniteyn.

1 Reeaghyn 18:2

As hie Elijah dy yeeaghyn eh-hene da Ahab. As va genney trome ayns Samaria.

1 Recortyssyn 2:51

Salma ayr Veth-lehem, Hareph ayr Beth-gader.

1 Recortyssyn 2:54

Mac Salma; Beth-lehem, as ny Netophathiteyn, Ataroth, thie Yoab, as lieh ny Manahethiteyn, ny Zoriteyn.

Psalmyn 105:16

Marish shen, doardee eh genney er y cheer: as stroie eh yn slane beaghey dy arran.

Psalmyn 107:34

Cheer messoil t’eh dy yannoo faase: er coontey’n drogh-yannoo ocsyn ta baghey ayn.

Jeremiah 14:1

Goo’n Chiarn haink gys Jeremiah mychione y ghortey.

Ezekiel 14:13

Vac y dooinney, tra ta’n cheer jannoo peccah m’oï liorish ard-loghtynys, eisht sheeyn-yms magh my laue er, as brish-ym bun yn arran echey, as ver-ym er yn ghortey, as giare-ym jeh veih shen dooinney as baagh.

Ezekiel 14:21

Son shoh myr ta’n Chiarn Jee dy ghra, Cre-woad smoo, tra ver-ym my chiare briwnyssyn trome er Jerusalem, yn cliwe, as y ghortey, as ny beishtyn dewilley, as y phaitt, dy yiarey jeh dooinney as baagh?

Leviticus 26:19

As brish-yms mooaralys nyn booar; as nee’m yn aer harrish nyn ghing myr yiarn, as yn ooir eu myr prash:

Amos 4:6

As ta mee myrgeddin er choyrt diu glennid feeacklyn, ayns ooilley nyn ard-valjyn, as genney arran ayns ooilley nyn gummallyn: ny-yeih, cha vel shiu er hyndaa hym’s, ta’n Chiarn dy ghra.

Micah 5:2

Agh uss, Veth-lehem Ephratah, myr s’fardalagh oo mastey thousaneyn Yudah, ny-yeih assyd hig magh hym ESHYN ta dy ve yn ard-reiltagh ayns Israel: ta’n goll-magh echey er ny ve er-dy-rieau, veih earishyn dy bragh farraghtyn.

Deuteronomy 28:38

Ver oo lhiat mooarane rass magh gys y vagher, agh s’beg ver oo stiagh: son ver y locust eh naardey.

Briwnyn 12:8

As ny lurg-syn ren Ibzam yn Beth-lehemite briwnys Israel.

Briwnyn 17:7

As va dooinney aeg dy row veih Beth-lehem-judah, jeh sluight Yudah, va ny Levite, as v’eh er e yoarreeaght ayns shen.

Briwnyn 17:8

As hie yn dooinney magh veih ard-valley Beth-lehem-judah dy chummal raad share oddagh eh: as haink eh gys cronk Ephraim, gys thie Micah, myr v’eh er e yurnah.