Raaghyn Creeney 9:8 - Yn Vible Casherick 1775 1819

⁸ Ny coyrlee yn ghannidagh, er-aggle dy der eh feoh dhyt; coyrlee yn dooinney creeney, as bee eh ayns aigney-mie rhyt.

Raaghyn Creeney 9:8 ပူးပေါင်းရင်းမြစ်များ

1 Reeaghyn 1:23

As dinsh ad da’n ree, gra, Cur-my-ner, Nathan y phadeyr. As tra v’eh er jeet stiagh fenish y ree, chroym eh eh-hene kiongoyrt rish y ree lesh e eddin gys y thalloo.

1 Reeaghyn 1:32

As dooyrt ree David, Cur-jee hym’s Zadok yn saggyrt, as Nathan y phadeyr, as Benaiah mac Jehoiada. As haink ad kiongoyrt rish y ree.

1 Reeaghyn 22:8

As dooyrt ree Israel rish Jehoshaphat, Ta ayn foast un dooinney, (Micaiah mac Imlah,) liorishyn foddee mayd briaght jeh’n Chiarn; agh ta dwoaie aym er; son cha vel eh dy bragh phadeyrys mie my-mychione’s, agh olk. As dooyrt Jehoshaphat, Ny lhig da’n ree shen y ghra.

Psalmyn 141:5

Ny sleaie lhig da deiney mie m’y cherraghey ayns aigney-mie: as oghsan y choyrt dou.

Raaghyn Creeney 1:5

Nee dooinney creeney geaishtagh, as cheet er e hoshiaght ayns ynsagh, as nee dooinney tastagh roshtyn gys coyrleyn creeney.

Raaghyn Creeney 10:8

Nee adsyn ta creeney-chreeagh soiaghey jeh ny annaghyn: agh nee ommydan brynnagh tuittym.

Raaghyn Creeney 13:1

Ta mac creeney clashtyn rish ynsagh e ayr: agh cha vel y craidoilagh cur geill da oghsan.

Raaghyn Creeney 13:18

Ta boghtynid as nearey ny chour-syn obbys ynsagh: agh eshyn ver geill da oghsan, hig eh jeh dy mie.

Raaghyn Creeney 15:12

Cha vel craidoilagh booiagh jehsyn ta coyrt oghsan da, chamoo nee eh taaghey marish deiney creeney.

Raaghyn Creeney 19:25

Smaghtee yn craidoilagh, as nee yn vooinjer ôney goaill tastey: as coyrlee dooinney toiggalagh, as gowee eh tushtey.

Raaghyn Creeney 23:23

Kionnee yn irriney, as ny creck eh; myr-chaagh, creenaght, as ynsagh, as keeayl,

Raaghyn Creeney 23:9

Ny loayr ayns clashtyn yn ommydan: son soie-ys eh beg jeh creenaght dty ocklyn.

Raaghyn Creeney 28:23

Yiow eshyn ta geddyn foill, booise smoo ny lurg, na eshyn ta brynneraght lesh e hengey.

Raaghyn Creeney 29:1

Eshyn ta dy mennick coyrlit, as creoghey e wannal, bee eh doaltattym er ny stroie, as shen fegooish couyr.

Isaiah 36:21

Agh v’ad nyn dhost, as cha dug ad fockle dy ansoor da: son va sarey yn ree, gra, Ny cur-jee ansoor da.

Leviticus 19:17

Cha bee dwoaie ayd er dty naboo ayns dty chree: ver oo dy dooie oghsan da dty naboo, as gyn lhiggey da tannaghtyn ayns e pheccah.

Noo Mian 15:14

Lhig-jee daue: she leeideilee doal ad ta kione y vooinjer ghoal. As my ta’n doal shooyl kione y doal, tuittee ad ny-neesht ayns y jeeg.

Noo Mian 7:6

Ny cur-jee shen ny ta casherick da ny moddee, chamoo hilgys shiu ny pearlyn eu roish muckyn, er-aggle dy stamp ad orroo fo-chosh, as dy jyndaa ad reesht, as shiu y lhottey.