Raaghyn Creeney 9:7 - Yn Vible Casherick 1775 1819

⁷ Eshyn ta cur oghsan da’n ghrynder, t’eh geddyn nearey da hene; as eh ta coyrlaghey yn vee-chrauee, t’eh tayrn er hene oltooan.

Raaghyn Creeney 9:7 ပူးပေါင်းရင်းမြစ်များ

1 Reeaghyn 18:17

As haink eh gy-kione, tra honnick Ahab Elijah, dy dooyrt Ahab rish, Nee uss eshyn ta boirey Israel?

1 Reeaghyn 21:20

As dooyrt Ahab rish Elijah, Vel oo er my gheddyn magh, O my noid? As dreggyr eh, Ta mee er gheddyn magh oo; er-yn-oyr dy vel oo er chreck oo-hene dy obbraghey olk ayns shilley’n Chiarn.

1 Reeaghyn 22:24

Agh hie Zedekiah mac Chenaanah er-gerrey, as woaill eh Micaiah er y lieckan, as dooyrt eh, Cre’n raad ghow Spyrryd y Chiarn voym’s dy loayrt rhyt’s?

1 Reeaghyn 22:27

As abbyr roo, Shoh myr ta’n ree dy ghra, Cur-jee yn fer shoh ayns pryssoon, as jean-jee eh y veaghey lesh arran dy heaghyn, as lesh ushtey dy heaghyn, derrey hig-yms reesht ayns shee.

2 Recortyssyn 36:16

Agh ren ad gannidys er chaghteryn Yee, as hoie ad beg jeh e ghoan, as hug ad drogh ghellal da e adeyryn derrey va jymmoose y Chiarn er ny vrasnaghey noi e phobble, nagh row saase nyn gour.

Lioar Yob 5:17

Cur-my-ner, s’maynrey ta’n dooinney ta Jee lhie e laue er; shen-y-fa ny jean uss soiaghey beg jeh smaght yn Ooilley-niartal:

Raaghyn Creeney 13:1

Ta mac creeney clashtyn rish ynsagh e ayr: agh cha vel y craidoilagh cur geill da oghsan.

Raaghyn Creeney 15:12

Cha vel craidoilagh booiagh jehsyn ta coyrt oghsan da, chamoo nee eh taaghey marish deiney creeney.

Raaghyn Creeney 23:9

Ny loayr ayns clashtyn yn ommydan: son soie-ys eh beg jeh creenaght dty ocklyn.

Isaiah 36:21

Agh v’ad nyn dhost, as cha dug ad fockle dy ansoor da: son va sarey yn ree, gra, Ny cur-jee ansoor da.