Raaghyn Creeney 9:5 - Yn Vible Casherick 1775 1819

⁵ Tar-jee, ee-jee jeh my arran, as iu-jee jeh’n feeyn kiarit nyn gour.

Raaghyn Creeney 9:5 ပူးပေါင်းရင်းမြစ်များ

Psalmyn 22:26

Nee ny boghtyn gee, as bee ad er nyn yannoo magh: adsyn ta shirrey lurg y Chiarn, moyllee ad eh; bee’n cree eu bio son dy bragh.

Psalmyn 22:29

Nee nyn lheid ocsyn ooilley ta berchagh er y thalloo: gee as ooashley ’choyrt.

Raaghyn Creeney 9:17

S’millish ta ushtaghyn braddagh, as arran eeit dy follit, te blaystal.

Raaghyn Creeney 9:2

T’ee er varroo e beïyn, t’ee er hayrn e feeyn: t’ee myrgeddin er hoiaghey magh e boayrd.

Arrane Solomon 5:1

Ta mee er jeet stiagh ayns my gharey, my huyr, my ven heshey, ta mee er haglym yn myrrh, marish ny spiceyn millish, ta mee er ee my chere-volley marish my vill, ta mee er iu my feeyn marish my vainney: ee-jee, O my chaarjyn, iu-jee, dy jarroo, iu-jee dy palchey, O my ghraihaltee.

Noo Ean 6:27

Ny bee-jee imneagh son y beaghey ta cherraghtyn, agh son y beaghey shen ta tannaghtyn gys y vea veayn, nee yn Mac dooinney y choyrt diu: son eshyn ta Jee yn Ayr er chowraghey.