Raaghyn Creeney 8:9 - Yn Vible Casherick 1775 1819

⁹ T’ad ooilley cronnal da’n toiggalagh, as jeeragh dauesyn ta geddyn tushtey.

Raaghyn Creeney 8:9 ပူးပေါင်းရင်းမြစ်များ

Raaghyn Creeney 14:6

Ta’n kialgeyr shirrey creenaght, as cha vel eh cheet lesh: agh ta tushtey aashagh dasyn ta keeayl echey.

Raaghyn Creeney 15:14

Ta’n cree echeysyn, ta keeayl echey, shirrey lurg tushtey: agh ta beeal ny mee-cheeayllee beaghey er ommijys.

Raaghyn Creeney 15:24

Ta’n dooinney creeney goll seose ayns raad-mooar y vea, as t’eh shaghney niurin heese.

Raaghyn Creeney 17:24

Ta creenaght soilshean ayns eddin dooinney creeney: agh ta sooillyn ommydan rouail noon as noal er feaï-ny-cruinney.

Raaghyn Creeney 18:15

Ta cree yn dooinney creeney cosney tushtey: as ta cleaysh y dooinney lowal shirrey son tushtey.

Raaghyn Creeney 3:13

S’maynrey’n dooinney ta cosney creenaght, as y dooinney ta geddyn tushtey.

Isaiah 35:8

As bee raad-mooar ayns shen, eer raad vees enmyssit, Yn raad dy ynrickys; cha jed adsyn ta neu-ghlen er; agh bee eh son y vooinjer elley: cha lhiass da troailtee, ga dy veggan tushtey, goll er-shaghryn ayn.

Micah 2:7

O uss ta enmyssit thie Yacob, vel spyrryd y Chiarn er ny leodaghey? nee shoh yn jannoo echeysyn? nagh vel my ghoan jannoo mie dasyn ta gimmeeaght dy cairal?

Noo Ean 6:45

Te scruit ayns ny phadeyryn, As bee ad ooilley ynsit liorish Jee. Dy chooilley ghooinney er-y-fa shen t’er chlashtyn, as er n’ynsaghey veih yn Ayr, t’eh cheet hym’s.

Noo Ean 7:17

My vees dooinney erbee aggindagh yn aigney echeysyn y yannoo, yiow eh toiggal jeh’n ynsagh, nee veih Jee te, ny vel mee loayrt jee’m pene.

Jamys 1:5

My ta veg euish feme creenaght, lhig da geearree er Jee, ta coyrt dy feoilt da dy chooilley ghooinney, as nagh vel mooaraghey, as bee eh er ny choyrt da.