Raaghyn Creeney 8:5 - Yn Vible Casherick 1775 1819

⁵ O shiuish gyn tort, gow-jee creenaght: as shiuish vee-cheeayllagh bee-jee jeh cree toiggalagh.

Raaghyn Creeney 8:5 ပူးပေါင်းရင်းမြစ်များ

Psalmyn 19:7

Ta leigh yn Chiarn ny leigh gyn foill, niartaghey yn annym: ta recortyssyn y Chiarn shickyr, as coyrt creenaght da’n vee-hushtagh.

Psalmyn 94:8

Gow-jee tastey, shiuish vee-hushtee mastey’n pobble: O shiuish ommydanyn, cuin nee shiu toiggal?

Raaghyn Creeney 1:22

Caïd, shiuish vee-hushtee ver shiu rish mee-hushtey? as craidoilee goaill taitnys ayns nyn graid, as ny ommydanyn cur feoh da tushtey?

Raaghyn Creeney 1:32

Son nee shaghrynys y vooinjer vee-cheeayllagh ad-hene y chur naardey, as nee’n maynrys seihltagh ommydanyn ad-hene y stroie.

Raaghyn Creeney 1:4

Dy choyrt keeayll da’n ôney, da’n dooinney aeg, toiggal as feeudys.

Raaghyn Creeney 3:35

Yiow yn chloan chreeney gloyr ayns eiraght, agh bee nearey er ooashley ny ommydanyn.

Raaghyn Creeney 8:12

Ta mish creenaght cummal marish keeayl; as toiggal bun raaghyn creeney.

Raaghyn Creeney 8:4

Hiuish, O gheiney, ta mee geamagh, as ta my choraa gys cloan gheiney.

Raaghyn Creeney 9:4

Quoi-erbee ta gyn ynsagh, lhig da chyndaa stiagh ayns shoh: er son eshyn ta gyn tushtey, t’ee gra rish;

Isaiah 42:13

Hed y Chiarn magh myr treanagh, greinnee eh seose e ghunnallys myr dooinney-caggee: nee eh gyllagh, as s’agglagh vees e choraa; ver eh fo-chosh e noidyn.

Jannoo 26:18

Dy osley nyn sooillyn, as dy hyndaa ad veih dorraghys gys soilshey, as veih pooar Noid-ny-hanmey gys Jee, dy vod ad leih peccaghyn y gheddyn, as eiraght nyn mast’ ocsyn t’er nyn gasherickey liorish y credjue ta aynym’s.

1 Corinthianee 1:28

As reddyn fardalagh y theihll, as reddyn nagh vel soiagh jeant jeu, ta Jee er reih, as reddyn nagh vel, dy chur mow ny reddyn t’ayn: