Raaghyn Creeney 8:34 - Yn Vible Casherick 1775 1819

³⁴ S’maynrey’n dooinney, ta dy my chlashtyn, ta er e arrey gagh laa ec my yiattyn, farkiaght ec essynyn my ghorrys.

Raaghyn Creeney 8:34 ပူးပေါင်းရင်းမြစ်များ

1 Reeaghyn 10:8

S’maynrey ta dty gheiney, s’maynrey t’ad shoh dty harvaantyn, ta shassoo dy kinjagh kiongoyrt rhyt, as clashtyn dty chreenaght.

Psalmyn 27:4

Un red ta mish er hirrey er y Chiarn, shen nee’m y yeearree: dy jarroo dy voddym baghey ayns thie yn Chiarn ooilley laghyn my vea, dy akin aalid eunyssagh y Chiarn, as dy haaghey e hiamble.

Psalmyn 84:10

Son ta un laa ayns dty chooyrtyn: ny share na thousane.

Psalmyn 92:13

Ver ad magh neesht ny smoo dy vess ayns nyn shenn eash: as bee ad roauyr as jeeaghyn dy mie.

Exodus 12:7

As nee ad goaill jeh’n uill, as spreih eh er y daa essyn, as er linteyryn-dorrys ny thieyn, raad nee ad gee eh.

Raaghyn Creeney 1:21

T’ee gyllagh ayns yn ynnyd smoo taaghit; ayns fosley ny giattyn: ayns yn ard-valley t’ee fockley magh ny goan eck, gra,

Raaghyn Creeney 3:13

S’maynrey’n dooinney ta cosney creenaght, as y dooinney ta geddyn tushtey.

Raaghyn Creeney 3:18

T’ee yn billey dy vea dauesyn ta dy chosney ee, as s’maynrey ta dy chooilley unnane ta dy reayll ee.

Noo Mian 7:24

Quoi-erbee er-y-fa shen ta clashtyn ad shoh my ghoan’s, as jannoo ymmyd mie jeu soylee-ym eh gys dooinney creeney hrog e hie er creg:

Noo Luke 1:6

As v’ad ny-neesht cairagh kiongoyrt rish Jee, gimmeeaght ayns ooilley annaghyn as oardaghyn y Chiarn gyn loght.

Noo Luke 10:39

As va shuyr eck enmyssit Moirrey, hoie myrgeddin ec cassyn Yeesey, clashtyn e ghoo.

Noo Luke 11:28

Agh dooyrt eshyn, Dy jarroo foddey s’bannee t’adsyn ta clashtyn goo Yee, as freayll eh.

Jannoo 2:42

As ren ad tannaghtyn ayns ynsagh as sheshaght ny hostyllyn, as ayns brishey arran, as ayns padjeryn.