Raaghyn Creeney 8:29 - Yn Vible Casherick 1775 1819

²⁹ Tra hug eh da’n aarkey e oardaghey, nagh ragh ny ushtaghyn harrish e harey: tra hoie eh undinyn y thallooin:

Raaghyn Creeney 8:29 ပူးပေါင်းရင်းမြစ်များ

Lioar Yob 26:10

T’eh er hoiaghey cagliagh da ny ushtaghyn, derrey ta’n laa as yn oie cheet dy cheilley.

Psalmyn 104:5

T’eh er hoiaghey undinyn y thallooin: nagh bee eh ec traa erbee er ny scughey.

Psalmyn 104:9

T’ou er hoiaghey ny cagliaghyn oc nagh jed ad harrish: ny chyndaa reesht dy choodaghey yn thalloo.

Psalmyn 136:5

Ta liorish e chreenaght erskyn-earroo er chroo ny niaughyn: son ta e vyghin farraghtyn son dy bragh.

Psalmyn 33:7

T’eh chaglym ushtaghyn ny marrey cooidjagh, myr carnane: as freayll fo yn diunid vooar myr ayns thie-tashtee.

Raaghyn Creeney 3:19

Ta’n Chiarn liorish creenaght er hickyraghey yn thalloo; liorish tushtey t’eh er choamrey ny niaughyn.

Raaghyn Creeney 8:28

Tra ren eh meihaghey ny bodjallyn ’syn yrjey, as towse magh farraneyn y diunid:

Jeremiah 5:22

Nagh jean-jee aggle y ghoaill roym’s? ta’n Chiarn dy ghra: nagh bee shiu er-creau ec my enish, t’er hoiaghey yn gheinnagh son cagliagh ny marrey, liorish sarey shickyr, nagh jed eh harrish; as ga dy vel ny tonnyn eck troggal ad-hene dy ard, ny-yeih cha vod ad goll harrish; ga s’mooar y feiyr t’ad dy yannoo, ny-yeih cha jarg ad goll ny-sodjey?

Noo Ean 19:22

Dreggyr Pilate, Ny ta scruit aym, te scruit.