Raaghyn Creeney 8:23 - Yn Vible Casherick 1775 1819

²³ Va mee soit seose ayns pooar er dy bragh, veih’n toshiaght, ny my row’n seihll er ny chroo.

Raaghyn Creeney 8:23 ပူးပေါင်းရင်းမြစ်များ

Genesis 1:26

As dooyrt Jee, Lhig dooin dooinney y chroo ayns y jalloo as y chaslys ain hene: as lhig da reill ve oc harrish eeastyn ny marrey, as harrish eeanlee yn aer, as harrish y maase, as harrish ooilley yn thalloo, as harrish dy chooilley nhee snauee t’er y thalloo.

Psalmyn 2:6

Agh ta mish er hoiaghey seose my Ree: er Sion my chronk casherick.

Raaghyn Creeney 4:7

Ta creenaght yn ard-vannaght, shen-y-fa fow creenaght: as lesh ooilley dty chooid-seihlt jean tushtey y chosney.

Micah 5:1

Nish chaggle oo hene ayns troopyn, O inneen roosteyragh: t’eh er chruinnaghey shin stiagh lesh caggey: nee ad briw Israel y woalley lesh slatt er y lieckan.

Micah 5:2

Agh uss, Veth-lehem Ephratah, myr s’fardalagh oo mastey thousaneyn Yudah, ny-yeih assyd hig magh hym ESHYN ta dy ve yn ard-reiltagh ayns Israel: ta’n goll-magh echey er ny ve er-dy-rieau, veih earishyn dy bragh farraghtyn.

Noo Ean 1:1

Ayns y toshiaght va’n Goo, as va’n Goo marish Jee, as va’n Goo Jee.

Noo Ean 17:24

Ayr, ta mee geearree adsyn t’ou er chur dou dy ve mârym raad ta mee; dy vod ad fakin my ghloyr t’ou er chur dou: son t’ou er ve graihagh orrym’s roish my row yn seihll er ny chroo.

Noo Ean 17:5

As nish, O Ayr, jean mish y ghloyraghey mayrt hene, lesh y ghloyr v’aym mayrt roish my row seihll ayn.