Raaghyn Creeney 8:20 - Yn Vible Casherick 1775 1819

²⁰ Mish y leeideilagh ayns raad yn ynrickys, ayns ny cassanyn jeeragh dy vriwnys.

Raaghyn Creeney 8:20 ပူးပေါင်းရင်းမြစ်များ

Psalmyn 23:3

Nee eh m’annym y hyndaa: as my choyrt lesh magh ayns ny cassanyn dy chairys er graih e Ennym.

Psalmyn 32:8

T’ou uss ynnyd dy m’ollaghey ayn, nee uss m’y choadey veih seaghyn: nee oo m’y chombaasal er dy chooilley heu lesh arraneyn-moyllee dy livrey-ys.

Raaghyn Creeney 2:20

Dy vod oo shooyl ayns raad deiney mie, as freayll kesmadyn y vooinjer chairal.

Raaghyn Creeney 2:9

Eisht nee oo toiggal cairys, as briwnys, as corrymid: dy jarroo dy chooilley raad mie.

Raaghyn Creeney 3:6

Ayns ooilley dty raaidyn gow rishyn, as nee eh leeideil dty chesmadyn.

Raaghyn Creeney 6:22

Tra t’ou shooyl, bee eh dty leeideilagh, tra t’ou dty chadley, nee eh dty choadey; as tra t’ou doostey, loayree eh rhyt.

Raaghyn Creeney 8:19

Ta my vess ny share na airh, dy feer, na’n airh s’glenney, as my heet-stiagh roish reih argid.

Raaghyn Creeney 8:21

Dy choyrt cooid vie ayns eiraght dauesyn shynney lhiam, as ny tashtaghyn oc y lhieeney.

Isaiah 2:3

As hed ymmodee pobble, as jir ad, Tar-jee, as lhig dooin goll seose gys slieau yn Chiarn, gys thie Yee Yacob; as ynsee eh dooin eh raaidyn, as nee mayd shooyl ayns e chassanyn: son magh ass Zion hig y leigh, as goo yn Chiarn veih Jerusalem.

Isaiah 49:10

Cha bee ad accryssagh ny paagh; chamoo nee chiass loshtee yn ghrian skielley daue: son eshyn ta chymmoil orroo nee ad y leeideil, eer gys ny farraneyn ushtey ver eh lesh ad.

Isaiah 55:4

Cur-my-ner, ta mee er choyrt eh son feanish da’n pobble, ny reiltagh as fer-ynsee da’n pobble.

Noo Ean 10:3

Dasyn ta’n dorrysser fosley; as ta ny kirree clashtyn e choraa: as t’eh geamagh er e chirree hene lurg nyn ennym, as dy leeideil ad magh.

Deuteronomy 5:32

Nee shiuish, er-y-fa shen, kiarail y ghoaill, dy yannoo myr ta’n Chiarn er harey diu: cha jyndaa shiu dy lhiattee gys y laue yesh, ny gys y laue chiare.

Ashlish 7:17

Son nee’n Eayn ta ayns mean y stoyl-reeoil, fassaghey ad, as leeidee eh ad gys farraneyn dy ushtey bio: as nee Jee niee ersooyl dy chooilley yeïr veih nyn sooillyn.