Raaghyn Creeney 8:17 - Yn Vible Casherick 1775 1819

¹⁷ Shynney lhiam adsyn shynney lhieu mee, as adsyn hirrys mee dy leah, yiow ad mee.

Raaghyn Creeney 8:17 ပူးပေါင်းရင်းမြစ်များ

2 Recortyssyn 34:3

Son ayns y hoghtoo vleïn jeh e reill, choud’s v’eh foast aeg, v’eh aggindagh dy hirveish Jee Ghavid e ayr: as ’sy nah vleïn yeig ren eh toshiaght dy scughey ass Judah as Jerusalem ny ard-ynnydyn, as ny keylljyn, as ny jallooyn grainnit, as ny jallooyn lheït.

Psalmyn 91:14

Er-yn-oyr dy vel eh er hoiaghey e ghraih orrym, shen-y-fa livrey-ym eh: neem’s eh y hoiaghey seose, er-y-fa dy vel enney echey er m’Ennym.

Raaghyn Creeney 1:28

Eisht nee ad geamagh orrym’s, agh mish cha der ansoor; nee ad m’y hirrey dy moghey, agh cha vow ad mee.

Raaghyn Creeney 2:4

My shirrys oo ee myr argid, as ronsaghey er y hon eck, myr son berchys follit;

Raaghyn Creeney 2:5

Eisht toiggee oo aggle y Chiarn, as yiow briaght jeh tushtey dty Yee.

Raaghyn Creeney 4:6

Ny treig ee, as nee ish oo y choadey: bee graihagh urree, as nee ish fendeil oo.

Raaghyn Creeney 8:16

Liorym’s ta princeyn reill, as deiney ooasle, eer ooilley briwnyn y theihll.

Ecclesiastes 12:1

Cooinee nish er dty er-croo, ayns laghyn dty aegid, roish my jig ny laghyn seaghnagh, as ny bleeantyn tayrn er-gerrey, tra jir oo, Cha vel taitnys aym ayndoo.

Arrane Solomon 3:4

As s’coan va mee er n’gholl voue, derrey hooar mee graih my annym: chum mee eh, as cha lhiggin y raad da, derrey hug mee lhiam eh gys thie my vayrey, as gys y chamyr ecksh ren m’y yientyn.

Isaiah 45:19

Cha vel mee er loayrt dy follit, ayns corneil dorraghey jeh’n theihll: cha dooyrt mee rish sluight Yacob, Shir-jee mee ayns fardail. Mish y Chiarn ta loayrt ynrickys, ta mee soilshaghey magh reddyn cairal.

Isaiah 55:6

Shir-jee gys y Chiarn choud’s t’eh ry-gheddyn, eam-jee ersyn choud’s t’eh er-gerrey.

Noo Mian 6:33

Agh shir-jee hoshiaght reeriaght Yee as e chairys, as bee shiu jeant magh lesh ooilley ny reddyn shoh.

Noo Mark 10:14

Agh tra honnick Yeesey eh, v’eh feer jymmoosagh, as dooyrt eh roo, Sur-jee cloan aegey dy heet hym’s, as ny jean-jee ad y lhiettal: son jeh nyn lheid ta reeriaght Yee.

Noo Ean 14:21

Eshyn ta my annaghyn’s echey, as ta freayll ad, eshyn eh ta graihagh orrym’s: as eshyn ta graihagh orrym, ver my Ayr graih da, as ver-yms graih da, as soilshee-ym mee hene da.

Noo Ean 14:23

Dreggyr Yeesey as dooyrt eh rish, My ta dooinney graihagh orrym, freillee eh my ghoan: as ver my Ayr graih da, as hig mayd huggey, as nee mayd tannaghtyn mârish.

Noo Ean 16:27

Son ta’n Ayr hene graihagh erriu, er-y-fa dy vel shiuish er ve graihagh orrym’s, as dy chred shiu dy daink mee magh veih Jee.

Noo Ean 5:4

Son va ainle goll sheese ec lheid y traa shen ayns yn ushtey, as seiy yn ushtey: quoi-erbee eisht va hoshiaght goll sheese lurg seiy yn ushtey, v’eh er ny laanaghey jeh doghan erbee dy row er.

Noo Ean 7:37

Er y laa s’jerree, laa mooar ny feailley, hass Yeesey, as deïe eh, gra, My ta dooinney erbee paagh, lhig da cheet hym’s as giu.

Jamys 1:5

My ta veg euish feme creenaght, lhig da geearree er Jee, ta coyrt dy feoilt da dy chooilley ghooinney, as nagh vel mooaraghey, as bee eh er ny choyrt da.

1 Ean 4:19

Ta graih ain ersyn, er-yn-oyr dy dug eshyn hoshiaght graih dooin.

1 Samuel 2:30

Shen-y-fa ta’n Chiarn, Jee Israel, gra, Dooyrt mee, dy jarroo, dy jinnagh dty hie’s, as thie dt’ayrey shirveish kiongoyrt rhym son dy bragh: agh nish ta’n Chiarn gra, Dy row shen foddey voym; son ver-yms ooashley dauesyn, ta coyrt ooashley dou as bee beg er ny hoiaghey jeusyn, ta soiaghey beg jeem’s.