Raaghyn Creeney 7:3 - Yn Vible Casherick 1775 1819

³ Kiangle ad er dty veïr, scrieu ad er glaare dty chree.

Raaghyn Creeney 7:3 ပူးပေါင်းရင်းမြစ်များ

Raaghyn Creeney 3:3

Ny lhig da myghin, as firrinys treigeil oo: kiangle ad mysh dty wannal, scrieu ad er glaare dty chree.

Raaghyn Creeney 4:21

Ny lhig ad ass dty hilley, freill ad ayns cree dty chree.

Raaghyn Creeney 6:21

Kiangle ad kinjagh er dty chree, as sniem ad mysh dty wannal.

Raaghyn Creeney 7:4

Abbyr rish creenaght, Uss my huyr, as rish tushtey, Uss my ven-vooinjerey.

Isaiah 30:8

Immee nish, scrieu eh kiongoyrt roo er boayrd, as soie sheese eh ayns lioar, dy vod eh ve ry-akin son y traa ry-heet, son dy bragh as dy bragh;

Isaiah 59:21

As er my hon hene, shoh my chonaant roosyn, ta’n Chiarn dy ghra; Yn Spyrryd aym’s ta ort’s, as my ghoan’s ta mee er choyrt ayns dty veeal, cha jean ad failleil veih dty veeal, ny veih beeal dty luight, ny veih beeal cloan dty chlienney, ta’n Chiarn dy ghra, veih maghey shoh as er son dy bragh.

Jeremiah 17:1

Ta peccah Yudah scruit lesh pen yiarn, as lesh baare diamond; te grainnit er glaare nyn gree, as er eairkyn nyn altaryn;

Jeremiah 31:33

Agh shoh vees y conaant neem’s rish thie Israel; Lurg ny laghyn shen, ta’n Chiarn dy ghra, ver-yms my leigh er cheu-sthie jeu, as scrieu-yms eh er nyn greeaghyn; as beem’s yn Jee oc, as bee adsyn my phobble’s.

2 Corinthianee 3:3

Son wheesh as dy vel shiu dy cronnal er nyn soilshaghey dy ve screeuyn Chreest, t’er ny hirveish liorinyn, scruit cha nee lesh ink, agh lesh Spyrryd yn Jee bio; cha nee er buird chloaie, agh er buird foalley’n chree.