Raaghyn Creeney 7:1 - Yn Vible Casherick 1775 1819

¹ My vac, freill my ghoan, as tasht seose my haraghyn mayrt.

Raaghyn Creeney 7:1 ပူးပေါင်းရင်းမြစ်များ

Lioar Yob 22:22

Gow, ta mee guee ort, yn leigh veih e veeal, as tasht seose e ghoan ayns dty chree.

Raaghyn Creeney 1:8

My vac, eaisht rish ynsagh dty ayrey, as ny treig uss leigh dty vayrey.

Raaghyn Creeney 10:14

Ta deiney creeney stoyrey seose creenaght: agh ta beeal yn ommydan er-gerrey da toyrt-mow.

Raaghyn Creeney 3:1

My vac, ny jarrood my leigh; agh lhig da dty chree freayll my annaghyn.

Raaghyn Creeney 4:21

Ny lhig ad ass dty hilley, freill ad ayns cree dty chree.

Raaghyn Creeney 5:5

Ta ny cassyn eck goll sheese gys yn oaie: ta ny kesmadyn eck goaill greme er niurin.

Raaghyn Creeney 6:20

My vac, freill sarey dt’ayrey, as ny treig leigh dty vayrey.

Raaghyn Creeney 6:35

Cha der eh geill da lhiasaghey erbee: chamoo vees eh meenit, ga dy jebbagh oo ymmodee giootyn.

Noo Luke 11:28

Agh dooyrt eshyn, Dy jarroo foddey s’bannee t’adsyn ta clashtyn goo Yee, as freayll eh.

Noo Luke 8:15

Agh shen er y thalloo mie, yn vooinjer, ta lesh creeaghyn onneragh as mie, er chlashtyn yn goo, as ta dy reayll oc eh, as cur magh mess lesh meenid.

Noo Ean 14:23

Dreggyr Yeesey as dooyrt eh rish, My ta dooinney graihagh orrym, freillee eh my ghoan: as ver my Ayr graih da, as hig mayd huggey, as nee mayd tannaghtyn mârish.

Noo Ean 15:20

Cooinee-jee er y raa loayr mish riu, Cha vel y charvaant ny syrjey na e hiarn. My t’ad er n’yannoo tranlaase orrym’s, nee ad myrgeddin tranlaase erriuish: my t’ad er vreayll my ghoan’s, freillee ad ny goan euish myrgeddin.

Deuteronomy 11:28

As mollaght, mannagh der shiu biallys da saraghyn y Chiarn nyn Yee, agh chyndaa dy lhiattee veih’n raad ta mee sarey diu yn laa jiu, dy eiyrt er jeeghyn joarree nagh nione diu.

Ashlish 1:3

Bannit ta eshyn ta lhaih, as adsyn ta clashtyn goan y phadeyrys shoh, as freayll ny reddyn shen ta scruit ayn: son ta’n traa er-gerrey.

Ashlish 22:9

Eisht dooyrt eh rhym, Jeeagh nagh jean oo: son ta mish dty heshey-harvaant, as jeh dty vraaraghyn ny phadeyryn, as jeusyn ta freayll raaghyn y lioar shoh: cur ooashley da Jee.