Raaghyn Creeney 6:6 - Yn Vible Casherick 1775 1819

⁶ Immee gys y sniengan, uss chadlag, smooinee er ny raaidyn ecksh, as gow keeayl.

Raaghyn Creeney 6:6 ပူးပေါင်းရင်းမြစ်များ

Raaghyn Creeney 1:17

Shickyr ayns fardail ta’n lieen er ny skeayley ayns shilley eean erbee.

Raaghyn Creeney 10:26

Myr vinegar da ny feeacklyn, as jaagh da ny sooillyn, myr shen ta’n litcher dauesyn ta dy choyrt eh er eilkin.

Raaghyn Creeney 10:4

T’eh cheet gys boghtynid ta dellal lesh laue lhag: agh ta laue yn er tarroogh jannoo berchagh.

Raaghyn Creeney 13:4

Ta annym y litcher geearree: agh cha vel eh cosney monney: agh bee annym y vooinjer tarroogh jeant sonney.

Raaghyn Creeney 15:19

Ta raad y litcher myr cleiy drineagh: agh ta raad yn er-cairagh jeant rea.

Raaghyn Creeney 18:9

Eshyn neesht ta liastey ayns e obbyr, t’eh ny vraar da’n ard-stroialtagh.

Raaghyn Creeney 19:15

Ta litcheraght dy hilgey fer ayns cadley trome, as nee’n annym liastey surranse gortey.

Raaghyn Creeney 19:24

Ta’n litcher liastey follaghtyn e laue ayns e vroghil, as s’coan nee eh wheesh troggal eh gys e veeal.

Raaghyn Creeney 20:4

Cha jean y litcher traaue kyndagh rish y feayraght; shen-y-fa shooylee eh ny thieyn ’syn ouyr, agh cha vow eh monney.

Raaghyn Creeney 21:25

Ta mian y litcher dy choyrt eh naardey, son ta e laueyn chea obbyr.

Raaghyn Creeney 22:13

Ta’n litcher gra, Ta lion shooyl mooie, bee’m er my varroo ayns ny straïdyn.

Raaghyn Creeney 23:19

Eaisht, my vac, as gow keeayl, as reill dty chree ayns y raad.

Raaghyn Creeney 30:24

Ta kiare cretooryn fardalagh er y thalloo, agh t’ad feer chreeney:

Raaghyn Creeney 30:25

Ta ny snienganyn sheeloghe feer faase, ny-yeih t’ad chymsaghey nyn meaghey ro-laue ’sy tourey;

Raaghyn Creeney 6:9

Caïd nee oo cadley, O chadleyder, cuin irrys oo ass dty chadley?

Isaiah 1:3

Shione da’n dow yn er s’liesh eh, as yn assyl cratch e vainshtyr: agh cha nhione da Israel mish, cha vel my phobble smooinaghtyn orrym.

Jeremiah 8:7

S’feer eh, dy vel y stork ’syn aer goaill baght jeh ny imbaghyn dooghyssagh; as ta’n turtle, as y choar, as gollan-geayee, freayll gys y traa t’ad ry-hoi cheet; agh cha vel my phobble’s cur veg y gheill da briwnys y Chiarn.

Noo Mian 25:26

Dreggyr e hiarn, as dooyrt eh rish, Harvaant vee-chairagh as neu-harroogh, va fys ayd’s dy row mish buinn raad nagh ren mee cuirr, as chaglym raad nagh ren mee skeayley.

Noo Mian 6:26

Cur-jee my-ner eeanlee yn aer: son cha vel ad cuirr ny buinn, ny chymsaghey stiagh ayns soaltyn; foast ta nyn Ayr flaunyssagh dyn meaghey ad. Nagh vel shiuish foddey share na adsyn?

Romanee 12:11

Cha nee liastey ayns obbyr; agh jeean ayns spyrryd; shirveish y Chiarn:

Hebrewnee 6:12

Nagh bee shiu lhag-chreeagh, agh eiyrtyssee orroosyn, ta trooid credjue as meenid er chosney ny gialdynyn.