Raaghyn Creeney 6:31 - Yn Vible Casherick 1775 1819

³¹ Agh my ta briaght cheet er, nee eh lhiasaghey shiaght filley: ver eh ooilley cooid e hie.

Raaghyn Creeney 6:31 ပူးပေါင်းရင်းမြစ်များ

Genesis 4:15

As dooyrt y Chiarn rish; Quoi-erbee, er-y-fa shen, varrys Cain, bee kerraghey shiaght filley er ny ghoaill er. As hug y Chiarn cowrey er Cain, nagh jinnagh unnane erbee harragh ny raad, eh y stroie.

2 Samuel 12:6

As nee eh lhiasaghey kiare-filley ’yannoo son yn eayn, er-yn-oyr dy ren eh lheid y red shoh, as nagh row chymmey ’sy chree.

Lioar Yob 20:18

Hed y chooid t’eh er laboragh er y hon dy yannoo lhiasaghey; cha bee eh baarit er hene: rere e chooid vees e lhiasaghey, as cha bee soylley echey jeh.

Psalmyn 79:12

O lhig da osnaghyn trimshagh ny pryssoonee cheet kiongoyrt rhyt: cordail rish mooadys dty phooar, jean uss adsyn y choadey t’er nyn oardaghey gys baase;

Exodus 21:34

Nee’n dooinney s’liesh yn ooig lhiasaghey er y hon, as ver eh argid dasyn by-liesh ad, as bee’n baagh marroo echey hene.

Noo Mian 18:25

Agh son wheesh as nagh row echey dy eeck, doardee e hiarn eh dy ve creckit, as e ven, as e chloan, as ooilley ny v’echey, as e eeaghyn dy ve eeckit.

Noo Luke 19:8

As hass Zaccheus magh, as dooyrt eh rish y Chiarn, Cur-my-ner, Hiarn, yn derrey lieh jeh my chooid ta mee dy choyrt da ny boghtyn: as my ta mee er ghoaill red erbee dy molteyragh veih dooinney erbee, ta mee jannoo lhiassaghey kiare-filley da.