Raaghyn Creeney 6:3 - Yn Vible Casherick 1775 1819

³ Jean shoh nish, my vac, as feayshil oo hene, tra t’ou er jeet fo pooar dty naboo: immee, jean oo hene y injillaghey, as jean shickyr jeh dty charrey.

Raaghyn Creeney 6:3 ပူးပေါင်းရင်းမြစ်များ

2 Samuel 24:14

As dooyrt David rish Gad, Ta mee ayns chennid vooar: lhig dooin nish tuittym fo laue’n Chiarn, (son ta e vyghinyn mooar,) as ny lhig dou tuittym ayns laue dooinney.

2 Recortyssyn 12:5

Eisht haink Shemaiah yn phadeyr gys Rehoboam, as gys princeyn Yudah, v’er nyn jaglym cooidjagh ec Jerusalem ayns aggle roish Shishak, as dooyrt eh roo, Myr shoh ta’n Chiarn dy ghra, Ta shiuish er n’aagail mish, as shen-y-fa ta mish myrgeddin er n’aagail shiuish ayns laue Shishak.

2 Recortyssyn 36:12

As ren eh shen ny va olk ayns shilley’n Chiarn e Yee, as cha ren eh eh-hene y injillaghey kiongoyrt rish Jeremiah yn phadeyr, va loayrt veih beeal y Chiarn.

Psalmyn 31:8

Bee’m gennal, as nee’m boggey ’ghoaill ayns dty vyghin: son t’ou er choyrt tastey da my heaghyn, as er chooinaghtyn er my annym ayns treihys.

Exodus 10:3

As haink Moses as Aaron stiagh fenish Pharaoh, as dooyrt ad rish, Myr shoh ta’n Chiarn, Jee ny Hebrewnee gra, Caïd nee oo gobbal d’injillaghey oo hene kiongoyrt rhym? lhig y raad da my phobble, dy vod ad mish y hirveish.

Raaghyn Creeney 6:2

T’ou ayns ribbey liorish goan dty veeal, t’ou goit lesh focklyn dty veeal hene.

Raaghyn Creeney 6:4

Ny cur cadley da dty hooillyn, ny saveenagh da ferrooghyn dty hooill.

Jamys 4:10

Bee-jee er nyn injillaghey ayns shilley’n Chiarn, as troggee eh shiu seose.