Raaghyn Creeney 6:26 - Yn Vible Casherick 1775 1819

²⁶ Son liorish drogh ven ta dooinney tayrnit sheese gys boghtynid: as nee ben adultrinagh shelg son y vioys mooar-leagh.

Raaghyn Creeney 6:26 ပူးပေါင်းရင်းမြစ်များ

Noo Luke 15:30

Agh cha leah as v’eh shoh dty vac er jeet, ta er vaarail dty chooid er streebeeyn, t’ou er varroo er e hon yn lheiy beiyht.

Raaghyn Creeney 29:3

Eshyn shynney lesh creenaght, t’eh jannoo boggey da e ayr: agh eh ta freayll sheshaght streebee, t’eh jummal e chooid.

1 Samuel 2:36

As hig eh gy-kione, dy jig dy chooilley unnane vees er-mayrn jeh dty hie dy chroymmey huggey son peesh dy argid, as son greme dy arran, as dy jir eh, Cur dou red ennagh dy yannoo, ta mee guee ort, mysh oik y taggyrt, dy vod greme d’arran ve aym dy ee.

Ezekiel 13:18

As abbyr, Myr shoh ta’n Chiarn Jee dy ghra, Smerg da ny mraane ta whaaley pillaghyn [obbee] fo dagh uillin, as jannoo breidyn [obbee] son king jeh dy chooilley eash, dy chleayney anmeenyn! jean shiuish anmeenyn my phobble y chleayney, as jean shiu ny anmeenyn ta cheet hiuish y hauail bio?

Ezekiel 13:8

Shen-y-fa, myr shoh ta’n Chiarn Jee dy ghra, Er-yn-oyr dy vel shiu er loayrt fardalys, as er vakin breagyn, shen-y-fa, cur-my-ner, ta mee nyn ’oï, ta’n Chiarn Jee dy ghra.

Raaghyn Creeney 29:8

Ta deiney boiragh cur yn ard-valley fo seaghyn: agh ta deiney creeney castey jymmoose.

Raaghyn Creeney 7:23

Derrey bwoaillys side trooid yn aane echey, myr eean ta getlagh gys y ribbey, as nagh vel geill eck, dy vel eh soit son e bioys.

Raaghyn Creeney 5:10

Er-aggle neesht dy bee joarreeyn ayns slane soylley dty verchys, as dty chosney ayns thie joarree,

Genesis 39:14

Dy dyllee ee gys sleih yn thie eck, as loayr ee roo, gra, Jeeagh-jee, t’eh er choyrt lesh Hebrew stiagh hooin, dy hayrn scammylt orrin: haink eh stiagh hym’s dy lhie mârym, as dyllee mee lesh coraa ard.

Raaghyn Creeney 5:9

Er-aggle dy der oo dty ghoo mie ayns pooar joarreeyn, as bleeantyn dty [niart] da’n vooinjer ghewil.

Raaghyn Creeney 6:27

Vod dooinney aile y ghoaill ayns e oghrish, as gyn e eaddagh ve losht?

Raaghyn Creeney 23:28

T’ee myrgeddin soie cooyl-chlea myr son spooilley, as bishaghey drogh-yantee mastey deiney.

Genesis 39:7

As haink eh gy-kione, lurg ny reddyn shoh, dy hilg e ven-ainshtyr e tooill er Joseph; as dooyrt ee, Lhie mârym,