Raaghyn Creeney 6:22 - Yn Vible Casherick 1775 1819

²² Tra t’ou shooyl, bee eh dty leeideilagh, tra t’ou dty chadley, nee eh dty choadey; as tra t’ou doostey, loayree eh rhyt.

Raaghyn Creeney 6:22 ပူးပေါင်းရင်းမြစ်များ

Psalmyn 119:11

Dty ghoan ta mee er ollaghey cheu-sthie ayns my chree: nagh jinnin peccah dt’oï.

Psalmyn 119:148

Ta my hooillyn dooisht roish arrey ny hoie: dy voddym my hraa ’vaarail ayns dty ghoan.

Psalmyn 119:24

Son ta ny recortyssyn ayd’s my voggey: as my ir-choyrlee.

Psalmyn 119:54

Ta dty lattyssyn er ve my arraneyn: ayns thie my yoarreeaght.

Psalmyn 119:9

Cre’n aght nee dooinney aeg e raaidyn y reayll glen: dy jarroo liorish reill eh-hene cordail rish dty ghoo?

Psalmyn 119:97

Hiarn, cre’n ghraih t’aym’s er dty leigh: fey-ny-laa ta mee smooinaghtyn er dy dowin.

Psalmyn 17:4

Kyndagh rish obbraghyn deiney ta jeant noi goan dty veillyn: ta mee er reayll mee hene veih raaidyn y stroider.

Psalmyn 3:6

Cha goym’s aggle roish jeih millaghyn jeh’n sleih: ta er n’irree-magh m’oï er dy chooilley heu.

Psalmyn 43:3

O cur magh dty hoilshey as dty irriney, dy vod ad my leeideil: as mee y choyrt lhieu gys dty chronk casherick, as gys dty ynnyd-vaghee.

Raaghyn Creeney 2:11

Nee coyrle chreeney oo y choadey, bee tushtey dty endeilagh.