Raaghyn Creeney 6:14 - Yn Vible Casherick 1775 1819

¹⁴ Ta foalsaght ayns e chree, t’eh shêgin er olk dy kinjagh, t’eh cur streeu er y hoshiaght.

Raaghyn Creeney 6:14 ပူးပေါင်းရင်းမြစ်များ

Psalmyn 140:2

Ta smooinaghtyn er olk ayns nyn greeaghyn: as dy kinjagh greesaghey seose anvea.

Psalmyn 140:3

T’ad er shleeu nyn jengaghyn myr ard-nieu: ta pyshoon yn adder fo nyn meillyn.

Psalmyn 36:4

T’eh smooinaghtyn er olk er e lhiabbee, as cha vel eh er hoiaghey eh-hene ayns raad mie erbee: chamoo t’eh cur dwoaie da’n red ta olk.

Raaghyn Creeney 14:22

Nagh vel ad er-shaghryn ta shêgin er olk? agh bee myghin as firrinys mâroosyn ta smooinaghtyn dy mie.

Raaghyn Creeney 16:27

Ta dooinney mee-chrauee imneagh son olk, ayns e veillyn ta aile loshtee.

Raaghyn Creeney 17:20

Eshyn ta jeh cree roonagh, cha vow eh veg y vie, as ta’n chengey foalsey tuittym ayns olk.

Raaghyn Creeney 2:14

Ta goaill boggey dy yannoo olk, as taitnys oc ayns camlaagys ny drogh-yantee.

Raaghyn Creeney 21:8

Ta raad y pheccagh camlaagagh as quaagh: agh er son yn er ynrick ta’n obbyr echey jeeragh.

Raaghyn Creeney 22:8

Eshyn ta cuirr mee-chairys, nee eh buinn fardalys: as bee soost e hranlaase er ny vrishey.

Raaghyn Creeney 24:8

Eshyn ta baarail e cheeayl ayns jannoo olk, yiow eh shen yn goo dy ghooinney olkyssagh.

Raaghyn Creeney 3:29

Ny jean olk y chiarail noi dty naboo, fakin dy vel eh cummal dy sauchey liort.

Raaghyn Creeney 3:32

Son ta’n tranlaasagh dwoaiagh da’n Chiarn; agh ta’n graih follit echey marish deiney cairal.

Isaiah 32:7

Ta aghtyn yn er-sondagh myrgeddin an-chiart: t’eh smooinaghtyn er saaseyn cluicagh dy stroie yn boght lesh goan breagagh, eer ayns cooish chairal yn ymmyrchagh.

Isaiah 57:20

Agh ta ny mee-chrauee myr yn aarkey seiyt, tra nagh vod ee fea y ghoaill, ta ny ushtaghyn eck tilgey seose laagh as broïd.

Ezekiel 11:2

Eisht dooyrt eh rhym, Vac y dooinney, ad shoh ny deiney ta cur olk er y hoshiaght, as dy choyrlaghey drogh-yannoo ayns yn ard-valley shoh:

Hosea 8:7

Son t’ad er chuirr y gheay, as nee ad buinn y gheay-chassee: cha vel bun echey: cha jean y jeeas gymmyrkey meinn, as ga dy jean eh, bee eh stroit ec joarreeyn.

Micah 2:1

Smerg dauesyn ta shêgin er mee-chairys, as smooinaghtyn er yn olk er nyn lhiabbaghyn! cha leah’s ta’n moghrey soilshaghey t’ad cur rish, er-yn-oyr dy vel eh ayns pooar nyn laue.

Romanee 16:17

Nish ta mee guee erriu, vraaraghyn, gow-jee tastey jeusyn ta kyndagh jeh anvea as scammyltyn, ta noi’n chredjue ta shiuish er n’ynsaghey; as chea-jee voue.