Raaghyn Creeney 5:23 - Yn Vible Casherick 1775 1819

²³ Yiow eh baase gyn ynsagh, as ayns mooadys e ommijys hed eh er-shaghryn.

Raaghyn Creeney 5:23 ပူးပေါင်းရင်းမြစ်များ

Lioar Yob 36:12

Agh mannagh bee ad biallagh, nee ad cherraghtyn liorish y chliwe, as yiow ad baase ayns nyn mee-hushtey.

Psalmyn 81:12

Agh cha baillish my phobble geaishtagh rish my choraa: as cha baillish Israel biallys y choyrt dou.

Psalmyn 94:23

Cooilleenee eh orroosyn nyn olkys, as stroie-ee eh ad ayns y ghoanlys oc hene: dy jarroo, nee’n Chiarn yn Jee ain ad y stroie.

Raaghyn Creeney 1:31

Shen-y-fa nee ad gee jeh mess y raad oc hene, as bee nyn yeeilley oc jeh nyn groutyn hene

Raaghyn Creeney 10:21

Ta meillyn y dooinney crauee dy ynsaghey ymmodee: agh ta ny mee-cheeayllee goll naardey son laccal creenaght.

Raaghyn Creeney 12:8

Yiow dooinney moylley rere e chreenaght: agh bee eshyn ta jeh cree mitchooragh beg soit jeh.

Raaghyn Creeney 14:14

Bee eshyn ta cooyl-skyrraghtyn ayns e chree, skee jeh ny raaidyn echey hene: agh bee dooinney mie jeant magh veih hene.

Raaghyn Creeney 14:32

Ta’n mee-chrauee eiyrit ersooyl ayns e olkys: agh ec yn er-crauee ta treishteil eer ayns e vaase.

Raaghyn Creeney 21:16

Eshyn ta er-shaghryn veih’n raad dy hushtey, bee e chronney marish ny merriu deyrit.