Raaghyn Creeney 5:19 - Yn Vible Casherick 1775 1819

¹⁹ Lhig j’ee ve myr y feeaïh veen, as myr cretoor ennoil mygeayrt thie: lhig da ny keeaghyn ecksh oo y wooiys dy kinjagh, as gow uss taitnys dagh traa ayns y ghraih eck.

Raaghyn Creeney 5:19 ပူးပေါင်းရင်းမြစ်များ

2 Samuel 12:4

As haink troailtagh raad y dooinney berchagh; as cha lhig e haynt da dy ghoaill jeh’n chioltane ny jeh’n ingan echey hene, dy aarlaghey son y troailtagh v’er jeet ny raad, agh ghow eh eayn y dooinney boght, as daarlee eh ee son y dooinney v’er jeet huggey.

Raaghyn Creeney 5:15

Iu ushtey ass dty haagh hene, as ushtaghyn geill ass dty hibbyr hene.

Raaghyn Creeney 5:20

As cre’n-fa, my vac, bee oo er dty chleayney liorish ben whuaagh, as taitnys ayd ayns oghrish oainjyr?

Arrane Solomon 2:17

Derrey’n vadran, as skeayley ny bodjallyn, chyndaa my ghraih, as bee uss myr y vinjeig feïe, ny’n feeaïh aeg er sleityn Vether.

Arrane Solomon 2:9

Ta my ghraih myr feeaïh aalin aeg: cur-my-ner, t’eh shassoo cooyl yn voalley ain, t’eh jeeaghyn magh er yn uinniag, t’eh dy yeeaghyn eh-hene trooid y chlea.

Arrane Solomon 4:5

Ta dty cheeaghyn goll-rish daa feeaïh aegey ta nyn lannoonyn, fassagh mastey ny lileeyn.

Arrane Solomon 7:3

Ta dty cheeaghyn myr cubbyl dy feeaïhee aegey ta nyn lannoonyn.

Arrane Solomon 8:14

Jean siyr, my ghraih, as bee myr y vinjeig feïe, ny myr yn feeaïh aeg er sleityn ny spiceyn.