Raaghyn Creeney 4:7 - Yn Vible Casherick 1775 1819

⁷ Ta creenaght yn ard-vannaght, shen-y-fa fow creenaght: as lesh ooilley dty chooid-seihlt jean tushtey y chosney.

Raaghyn Creeney 4:7 ပူးပေါင်းရင်းမြစ်များ

2 Recortyssyn 1:10

Cur dou nish creenaght as tushtey, dy voddym goll magh as cheet stiagh roish y pobble shoh: son quoi oddys briwnys ad shoh dty phobble ta whilleen ayns earroo?

Psalmyn 119:104

Trooid dt’annaghyn ta mee geddyn tushtey: shen-y-fa ta dwoaie aym er dy chooilley ghrogh raad.

Raaghyn Creeney 16:16

Cre-woad share te dy chosney creenaght na airh? as dy gheddyn tushtey, dy ve reiht roish argid.

Raaghyn Creeney 2:4

My shirrys oo ee myr argid, as ronsaghey er y hon eck, myr son berchys follit;

Raaghyn Creeney 21:6

Lesh chengey vreagagh dy chosney berchys, te fardalys leaystey noon as noal mâroosyn ta geiyrt er toyrt-mow.

Raaghyn Creeney 23:23

Kionnee yn irriney, as ny creck eh; myr-chaagh, creenaght, as ynsagh, as keeayl,

Raaghyn Creeney 4:5

Jean creenaght y chosney, cosne tushtey: ny jarrood eh, as ny jean scarrey rish goan my veeal.

Raaghyn Creeney 8:23

Va mee soit seose ayns pooar er dy bragh, veih’n toshiaght, ny my row’n seihll er ny chroo.

Ecclesiastes 4:8

Ta ayn fer ny-lomarcan, as cha vel echey sheshey; dy jarroo chamoo t’echey lhiannoo ny braar: ny-yeih cha vel jerrey er ooilley e hooilleil, chamoo ta e hooill jeant magh lesh berchys; chamoo t’eh gra, Quoi son ta mee tooilleil, as gobbal gerjagh da my annym? Ta shoh myrgeddin fardail, dy feer te obbyr seaghnagh.

Ecclesiastes 7:12

Son ta creenaght ny endeilagh, as ta argid ny endeilagh: agh te foays mooar tushtey, dy vel creenaght cur bea dauesyn ta bannit lesh.

Noo Luke 10:42

Agh un red ta ymmyrchagh. As ta Moirrey er reih yn ayrn vie shen, nagh bee er ny ghoaill ersooyl vo-ee.

Noo Luke 12:20

Agh dooyrt Jee rish, Uss ommydan, yn oie noght vees dty annym er ny ghoaill voïd: quoi lesh eisht vees yn chooid shen t’ou uss er jaglym?

Philippianee 3:8

As dy firrinagh, cha vel mee coontey dy chooilley nhee agh coayl, son y tushtey smoo ooasle jeh Creest Yeesey my Hiarn: er y hon ta mee er hurranse coayl dy chooilley nhee, as cha vel mee soiaghey jeu agh myr eoylley, dy voddym Creest y chosney,