Raaghyn Creeney 4:4 - Yn Vible Casherick 1775 1819

⁴ Dynsee eshyn mee neesht, as dooyrt eh rhym, Lhig da dty chree goaill stiagh my ghoan: freill my annaghyn, as bee oo bio.

Raaghyn Creeney 4:4 ပူးပေါင်းရင်းမြစ်များ

Genesis 18:19

Son ta fys aym, dy der eh sarey da e chloan as e lught-thie ny yeï, as freillee ad raaidyn y Chiarn, dy yannoo cairys as briwnys; dy vod y Chiarn cooilleeney da Abraham shen ny t’eh er loayrt my-e-chione.

1 Recortyssyn 28:9

As uss Solomon, my vac, toig aigney Yee dty ayrey, as jean eh y hirveish lesh cree firrinagh, as lesh aigney arryltagh: son ta’n Chiarn ronsaghey magh dy chooilley chree, as toiggal ooilley ny smooinaghtyn t’ayndoo. My t’ou dy hirrey eh, bee eh er ny gheddyn liort; agh my hreigys oo eh, nee eh dty hreigeil son dy bragh.

Psalmyn 119:11

Dty ghoan ta mee er ollaghey cheu-sthie ayns my chree: nagh jinnin peccah dt’oï.

Psalmyn 119:144

Ta cairys dty recortyssyn dy bragh farraghtyn: O giall dou tushtey, as bee’m bio.

Psalmyn 119:168

Ta mee er vreayll dt’annaghyn as dty recortyssyn: son ta ooilley my raaidyn kiongoyrt rhyt.

Raaghyn Creeney 22:6

Trog dty lhiannoo ’sy raad, lhisagh eh goaill: as tra t’eh shenn cha jean eh treigeil eh.

Raaghyn Creeney 23:26

My vac, cur dooys dty chree, as lhig da dty hooillyn cur tastey da my raaidyn.

Raaghyn Creeney 3:1

My vac, ny jarrood my leigh; agh lhig da dty chree freayll my annaghyn.

Raaghyn Creeney 3:2

Son lhiurid laghyn, as bea veayn, as shee, nee ad bishaghey ort.

Raaghyn Creeney 7:2

Freill my haraghyn as bee oo beayn: as my leigh myr clagh dty hooill.

Isaiah 55:3

Croym-jee nyn gleaysh, as tar-jee hym’s; clasht-jee, as bee yn annym eu bio; as nee’m conaant dy bragh farraghtyn riu, dy jarroo myghinyn shickyr Ghavid.

Jeremiah 38:20

Agh dooyrt Jeremiah, Cha jean ad oo y livrey seose: cur biallys, ta mee guee ort, da coraa yn Chiarn, ta mee dy loayrt rhyt: as hig eh dy mie lhiat, as bee dty annym bio.

Noo Ean 12:50

As ta fys aym dy vel yn sarey echeysyn yn vea dy bragh beayn: cre-erbee er-y-fa shen ta mee dy loayrt, she myr ta’n Ayr er ghra rhym, eer myr shen ta mee loayrt.

Ephesianee 6:4

As shiuish ayraghyn, ny brasnee-jee nyn gloan gys corree: agh trog-jee ad ayns ynsagh as aggle y Chiarn.

Deuteronomy 4:9

Ynrycan, jeeagh royd, as freill dty annym dy imneagh, nagh jarrood oo ny reddyn ta dty hooillyn er vakin; as nagh jed ad ass dty chree, ooilley laghyn dty vea: agh ynsee ad da dty vec, as da cloan dty chlienney:

Deuteronomy 6:6

As bee ny goan shoh ta mee dy harey dhyt jiu, ayns dty chree;

2 Timothy 1:5

Tra ta mee tayrn gys cooinaghtyn yn credjue ynrick t’aynyd’s, va hoshiaght ayns dty warree Lois, as dty voir Eunice; as ta mee dy shickyr credjal dy ve aynyd’s myrgeddin.

2 Timothy 3:15

As neayr’s v’ou dty lhiannoo dy vel oo er ve ynsit ayns ny scriptyryn casherick, oddys oo y yannoo creeney gys saualtys, trooid credjue ayns Creest Yeesey.

Hebrewnee 5:9

As myr shoh er ny chasherickey, haink eh dy ve bun y taualtys dy bragh farraghtyn dauesyn ooilley ta coyrt biallys da;

Briwnyn 13:12

As dooyrt Manoah, Nish lhig da dty ghoan’s ve jeant mie: cre’n aght nee mayd yn lhiannoo y oardrail? as cre ta kiarit da dy yannoo?