Raaghyn Creeney 4:24 - Yn Vible Casherick 1775 1819

²⁴ Cur ersooyl voïd beeal foalsey, as meillyn scammyltagh cur foddey voïd.

Raaghyn Creeney 4:24 ပူးပေါင်းရင်းမြစ်များ

Lioar Yob 11:14

My ta mee-chairys ayns dty laue, scugh foddey voïd eh, as ny lhig da olkys tannaghtyn ayns dty chabbaneyn.

Psalmyn 34:14

Shaghyn dagh olk, as jean dy mie: shir lurg shee, as cur eh er y hoshiaght.

Raaghyn Creeney 10:32

Ta meillyn y dooinney cairal toiggal ny ta mie: agh ta beeal y drogh ghooinney loayrt dy frourtagh.

Raaghyn Creeney 17:20

Eshyn ta jeh cree roonagh, cha vow eh veg y vie, as ta’n chengey foalsey tuittym ayns olk.

Raaghyn Creeney 19:1

Ny share ta’n boght ta gimmeeaght ayns e ynrickys, na eh ta camlaagagh ayns e veillyn, as ny ommydan.

Raaghyn Creeney 4:25

Lhig da dty hooillyn jeeaghyn jeeragh royd, as ferrooghyn dty hooillyn jeeaghyn dy kiart er dty hoshiaght.

Raaghyn Creeney 6:12

Ta’n drogh-yantagh, dooinney mee-chrauee, shooyl lesh beeal cluicagh.

Raaghyn Creeney 8:13

Te aggle y Chiarn dy chur feoh da olk: moyrn, as mooaralys, as y drogh raad, as y beeal molteyragh, ta dwoaie aym orroo.

Raaghyn Creeney 8:8

Ta ooilley goan my veeal ayns cairys, cha vel nhee erbee camlaagagh ny cluicagh ayndoo.

Ezekiel 18:31

Scarr-jee rish ooilley nyn loghtyn, lioroo ta shiu er ve foiljagh, as jean-jee diu hene cree noa, as spyrryd noa; son cre’n-fa yioghe shiu baase, O hie Israel?

Colossianee 3:8

Agh nish cur-jee shiuish myrgeddin veue ooilley ny reddyn shoh; corree, jymmoose, goanlys, goan mollaghtagh, glare neu-ghlen ass nyn meeal.

1 Timothy 6:5

Pleadeilyn camlaagagh deiney dy aignaghyn neu-ghlen, as follym jeh’n irriney, jeeaghyn er cosney dy ve craueeaght: veih nyn lheid jean oo hene y scarrey.

Jamys 1:21

Shen-y-fa cur-jee dy lhiattee dy chooilley neu-ghlennid, as rouyr dy olkys, as gow-jee lesh meenid yn goo ta fraueit ayndiu, ta fondagh dy hauail nyn anmeenyn.

Jamys 1:26

My ta dooinney erbee nyn mast’ eu ta ayns fakin dy ve crauee, as nagh vel smaghtaghey e hengey, agh molley yn cree echey hene, ta craueeaght yn dooinney shoh fardail.

1 Peddyr 2:1

Shen-y-fa coyrt dy lhiattee dy chooilley ghoanlys, as dy chooilley volteyraght, as foalsaght, as troo, as dy chooilley ghrogh ghlare,