Raaghyn Creeney 4:23 - Yn Vible Casherick 1775 1819

²³ Freill arrey er dty chree lesh ard-chiarail: son magh ass shen ta cheet raaidyn y vea.

Raaghyn Creeney 4:23 ပူးပေါင်းရင်းမြစ်များ

2 Reeaghyn 10:31

Agh cha dug Jehu geill dy hooyl ayns leigh’n Chiarn Jee Israel lesh ooilley e chree: son cha hreig eh peccaghyn Yeroboam, ren Israel y hayrn fo peccah.

Raaghyn Creeney 11:16

Ta ben ghraysoil geddyn ooashley, as deiney pooaral cosney berchys.

Raaghyn Creeney 13:3

Eshyn ta smaghtaghey e veeal, t’eh freayll e vioys: agh eshyn ta fosley lhean e veillyn, hig eh gys toyrt-mow.

Raaghyn Creeney 16:17

Te raad-mooar y dooinney ynrick dy hea veih olk: eshyn ta cummal ayns e raad, t’eh coadey e annym.

Raaghyn Creeney 22:5

Ta drineyn, as ribbaghyn ayns raad ny camlaagee: agh eshyn ta jeeaghyn dy mie gys e annym hene vees foddey voue.

Raaghyn Creeney 23:19

Eaisht, my vac, as gow keeayl, as reill dty chree ayns y raad.

Raaghyn Creeney 28:26

Eh ta treishteil gys e chree hene, t’eh ny ommydan: agh bee eshyn sauchey ta shooyl dy creeney.

Raaghyn Creeney 3:21

My vac, ny lhig ad ass dty hilley: freill yn ynrycan creenaght, as keeayll vie.

Raaghyn Creeney 4:7

Ta creenaght yn ard-vannaght, shen-y-fa fow creenaght: as lesh ooilley dty chooid-seihlt jean tushtey y chosney.

Ecclesiastes 5:13

Ta olk vooar ta mee er vakin fo’n ghrian, eer berchys freilt gys yn assee ocsyn by-lhieu ad.

Jeremiah 17:9

Ta’n cree molteyragh erskyn dy chooilley nhee, as mee-chrauee erskyn-towse: quoi oddys toiggal eh?

Noo Mian 15:18

Agh ta ny reddyn ta cheet magh ass y veeal, cheet veih’n chree, as t’ad shen jannoo dooinney neu-ghlen.

Noo Mian 15:19

Son magh veih’n chree ta cheet drogh smooinaghtyn, dunverys, brishey-poosey, maarderys, maarlys, feanish foalsey, goan mollaghtagh.

Noo Mark 14:38

Bee-jee er nyn arrey, as gow-jee padjer, nagh duitt shiu ayns miolagh: ta’n spyrryd eu dy jarroo arryltagh, agh ta’n eill annoon.

Noo Luke 6:45

Ta dooinney mie ass stoyr mie e chree, cur magh shen ny ta mie: as drogh ghooinney ass drogh stoyr e chree, gymmyrkey shen ny ta olk: son magh ass stoyr y chree ta’n beeal loayrt.

Deuteronomy 4:9

Ynrycan, jeeagh royd, as freill dty annym dy imneagh, nagh jarrood oo ny reddyn ta dty hooillyn er vakin; as nagh jed ad ass dty chree, ooilley laghyn dty vea: agh ynsee ad da dty vec, as da cloan dty chlienney:

Hebrewnee 12:15

Jeeaghyn dy imneagh, nagh duitt dooinney erbee giare jeh grayse Yee; er-aggle dy jean fraue erbee dy herriuid gaase seose, shiu y voirey, as ymmodee liorish shen er nyn byshooney: