Raaghyn Creeney 4:2 - Yn Vible Casherick 1775 1819

² Son ta mee dy choyrt diu ynsagh mie, ny treig-jee my choyrle.

Raaghyn Creeney 4:2 ပူးပေါင်းရင်းမြစ်များ

1 Recortyssyn 28:9

As uss Solomon, my vac, toig aigney Yee dty ayrey, as jean eh y hirveish lesh cree firrinagh, as lesh aigney arryltagh: son ta’n Chiarn ronsaghey magh dy chooilley chree, as toiggal ooilley ny smooinaghtyn t’ayndoo. My t’ou dy hirrey eh, bee eh er ny gheddyn liort; agh my hreigys oo eh, nee eh dty hreigeil son dy bragh.

2 Recortyssyn 7:19

Agh my hyndaa-ys shiu ersooyl, as my lattyssyn as my annaghyn ta mee er hoiaghey kiongoyrt riu y hreigeil, as my hed shiu dy hirveish jeeghyn elley, as ooashley ’chur daue:

Lioar Yob 11:4

Son t’ou er ghra, Ta m’ymmyrkey-bea ynrick, as ta mee glen ayns dty hilley.

Lioar Yob 33:3

Bee my ghoan veih ynrickys my chree; as hig tushtey dy baghtal veih my veillyn.

Psalmyn 119:87

V’ad faggys er n’yannoo kione orrym er y thalloo: agh cha hreig mee dt’annaghyn.

Raaghyn Creeney 3:1

My vac, ny jarrood my leigh; agh lhig da dty chree freayll my annaghyn.

Jeremiah 35:8

Myr shoh ta shin er ve biallagh da coraa Yonadab mac Rechab nyn ayr, ayns ooilley ny hug eh currym orrin, gyn dy iu feeyn ooilley nyn laghyn, shinyn, ny mraane ain, nyn mec, ny nyn inneenyn;

Deuteronomy 32:2

Nee my ynsaghey shilley myr y fliaghey: nee my ghlare tuittym myr y druight as myr y fliaghey meein er lossreeyn oor; as myr ny frassyn er y faiyr:

1 Timothy 4:6

My nee oo ny braaraghyn y choyrt ayns cooinaghtyn jeh ny reddyn shoh, bee oo dty hirveishagh vie dy Yeesey Creest, troggit ayns goan y chredjue, as ynsagh mie, huggey t’ou er roshtyn.

Titus 1:9

Cummal shickyr yn goo firrinagh, myr te er ve ynsit da, dy vod eh ve abyl liorish ynsagh fondagh, chammah dy choyrlaghey as dy choyrt nyn dhost adsyn ta loayrt noi’n chredjue.