Raaghyn Creeney 4:19 - Yn Vible Casherick 1775 1819

¹⁹ Ta raad ny mee-chrauee myr y dorraghys; cha nhione daue cre roish t’ad dy snapperal.

Raaghyn Creeney 4:19 ပူးပေါင်းရင်းမြစ်များ

Lioar Yob 12:25

T’ad rasey ’sy dorraghys fegooish soilshey, as t’eh cur orroo dy leaystey myr dooinney meshtal.

Lioar Yob 18:18

Bee eh er ny eiyrt veih soilshey gys dorraghys, as er ny imman ass y theihll.

Lioar Yob 5:14

Ta dorraghys cheet orroo ’sy laa, as t’ad rasey son y raad er y vun-laa myr ’syn oie.

Psalmyn 82:5

Cha nailliu ’ve ynsit, chamoo nee ad toiggal y ghoaill, agh goll er nyn doshiaght kinjagh ayns dorraghys: ta ooilley undinyn y thallooin ass nyn goorse.

Raaghyn Creeney 2:13

Ta treigeil cassanyn yn ynrickys, dy huill ayns raaidyn y dorraghys.

Raaghyn Creeney 22:5

Ta drineyn, as ribbaghyn ayns raad ny camlaagee: agh eshyn ta jeeaghyn dy mie gys e annym hene vees foddey voue.

Jeremiah 13:16

Cur-jee gloyr da’n Chiarn nyn Yee, roish my der eh dorraghys, as roish my nee ny cassyn eu snapperal er ny sleityn dorraghey, as choud’s ta shiu jeeaghyn son soilshey, dy jyndaa eh shen gys scadoo yn vaaish, as dy bee eh er ny chaghlaa gys dorraghys dullyr.

Jeremiah 23:12

Shen-y-fa bee’n immeeaght oc myr raaidyn shliawney ’sy dorraghys; bee ad immanit er nyn doshiaght, as tuittee ad ayn: son ver-ym lhiam yn olk orroo, eer bleïn nyn gerraghey, ta’n Chiarn dy ghra.

Noo Mian 15:14

Lhig-jee daue: she leeideilee doal ad ta kione y vooinjer ghoal. As my ta’n doal shooyl kione y doal, tuittee ad ny-neesht ayns y jeeg.

Noo Mian 7:23

As eisht neem’s fockley-magh orroo, Cha row aym rieau ainjys erbee erriu: reue-jee voym, O shiuish ghrogh-yantee.

Noo Ean 11:10

Agh my ta dooinney shooyl ayns yn oie, t’eh snapperal, er-y-fa nagh vel soilshey ayn.

Noo Ean 12:35

Eisht dooyrt Yeesey roo, Foast tammylt beg ta’n soilshey mêriu: shooill-jee choud as ta’n soilshey eu, er-aggle dy jig y dorraghys erriu: son cha vel fys echeysyn ta shooyl ayns y dorraghys c’raad t’eh goll.

1 Ean 2:11

Agh eshyn ta feoh echey er e vraar, t’eh ayns dorraghys, as shooyl ’sy dorraghys, as cha vel fys echey cre’n raad t’eh goll, son dy vel dorraghys er gholley e hooillyn.

1 Samuel 2:9

Nee eh coadey cassyn e nooghyn, as bee ny mee-chrauee nyn dhost ayns dorraghys; son liorish niart cha vow dooinney erbee yn varriaght.