Raaghyn Creeney 4:16 - Yn Vible Casherick 1775 1819

¹⁶ Son cha vod ad cadley mannagh vel ad er n’yannoo olk: as ta’n cadley oc goll voue, mannagh der ad er paart dy huittym.

Raaghyn Creeney 4:16 ပူးပေါင်းရင်းမြစ်များ

Psalmyn 36:3

Ta goan e veeal neu-ynrick as lane dy oalsaght: t’eh er vaagail jeh dy ymmyrkey eh-hene dy creeney, as jeh jannoo dy mie.

Psalmyn 36:4

T’eh smooinaghtyn er olk er e lhiabbee, as cha vel eh er hoiaghey eh-hene ayns raad mie erbee: chamoo t’eh cur dwoaie da’n red ta olk.

Raaghyn Creeney 1:16

Son ta ny cassyn oc roie gys olk, as jannoo siyr gys deayrtey folley.

Raaghyn Creeney 2:14

Ta goaill boggey dy yannoo olk, as taitnys oc ayns camlaagys ny drogh-yantee.

Raaghyn Creeney 4:15

Jean chea roish, ny gow liorish, chyndaa veih, as cosne royd.

Isaiah 57:20

Agh ta ny mee-chrauee myr yn aarkey seiyt, tra nagh vod ee fea y ghoaill, ta ny ushtaghyn eck tilgey seose laagh as broïd.

Jeremiah 9:4

Cur-jee twoaie, dagh unnane jeh e naboo, as ny cur-jee nyn dreisht ayns braar erbee: son nee dagh braar cleiy-fo braar, as nee dy chooilley naboo troggal scammyltyn.

Micah 2:1

Smerg dauesyn ta shêgin er mee-chairys, as smooinaghtyn er yn olk er nyn lhiabbaghyn! cha leah’s ta’n moghrey soilshaghey t’ad cur rish, er-yn-oyr dy vel eh ayns pooar nyn laue.

Micah 7:3

Dy vod ad dy jeean cur-rish olk, lesh nyn ghaa laue: ta’n prince geearree leagh, as yn briw shirrey sollaghey-laue: as ta’n dooinney pooaral fockley-magh olkys e annym: shen myr t’ad cassey cairys.

Noo Luke 22:66

As cha leah as va’n laa rish, haink shanstyr yn phobble, as ny ard-saggyrtyn as ny scrudeyryn cooidjagh, as hug ad lhieu eh gys y choonceil oc,

Noo Ean 18:28

Eisht hug ad lhieu Yeesey veih Caiaphas gys halley ny briwnys: as ve moghey, as cha jagh ad-hene stiagh ayns halley ny briwnys, er-aggle dy beagh ad an-chasherick; as nagh voddagh ad yn Eayn-caisht y ee.

Jannoo 24:7

Agh haink yn ard-chaptan Lysias orrin, as eer er niart ghow eh ass ny laueyn ain eh.

2 Peddyr 2:14

Lesh sooillyn soit er brishey-poosey, as nagh vod scuirr veih peccah; molley anmeenyn lhag-chredjuagh: creeaghyn t’oc, cliaghtit er obbraghyn sayntoilagh; cloan ny mollaght: