Raaghyn Creeney 4:1 - Yn Vible Casherick 1775 1819

¹ Eaisht-jee shiuish chloan, rish ynsagh nyn ayr, as bee-jee imneagh dy hoiggal tushtey.

Raaghyn Creeney 4:1 ပူးပေါင်းရင်းမြစ်များ

Genesis 49:2

Tar-jee dy cheilley, as clasht-jee shiuish vec Yacob, as eaisht-jee rish Israel nyn ayr.

Psalmyn 34:11

Tar-jee, shiuish chloan, as eaisht-jee rhym: ynsee-yms diu aggle y Chiarn.

Raaghyn Creeney 1:2

Dy hoiggal creenaght as ynsagh, dy chur-my-ner ny goan dy hushtey.

Raaghyn Creeney 1:8

My vac, eaisht rish ynsagh dty ayrey, as ny treig uss leigh dty vayrey.

Raaghyn Creeney 13:1

Ta mac creeney clashtyn rish ynsagh e ayr: agh cha vel y craidoilagh cur geill da oghsan.

Raaghyn Creeney 19:20

Eaisht rish coyrle, as gow ynsagh, dy vod gerjagh ve ayd ayns jerrey dty laghyn.

Raaghyn Creeney 22:17

Croym dty chleaysh, as eaisht rish goan deiney creeney, as chyndaa dty chree gys my ynsagh.

Raaghyn Creeney 5:1

My vac, cur tastey da my chreenaght, as croym dty chleaysh gys my ynsagh.

Raaghyn Creeney 7:4

Abbyr rish creenaght, Uss my huyr, as rish tushtey, Uss my ven-vooinjerey.

Jeremiah 35:8

Myr shoh ta shin er ve biallagh da coraa Yonadab mac Rechab nyn ayr, ayns ooilley ny hug eh currym orrin, gyn dy iu feeyn ooilley nyn laghyn, shinyn, ny mraane ain, nyn mec, ny nyn inneenyn;

Hebrewnee 2:1

Shen-y-fa lhisagh shin tastey s’gyerey ’choyrt da ny reddyn ta shin er chlashtyn, er-aggle ec traa erbee dy jinnagh shin ad y yarrood.