Raaghyn Creeney 31:9 - Yn Vible Casherick 1775 1819

⁹ Foshil dty veeal, cur briwnys cairal, as loayr ayns cooish ny boghtyn as ymmyrchee.

Raaghyn Creeney 31:9 ပူးပေါင်းရင်းမြစ်များ

2 Samuel 8:15

As ren David reill harrish ooilley Israel, as ren David shirveish briwnys as cairys er ooilley e phobble.

Lioar Yob 29:12

Er-yn-oyr dy livrey mee yn boght er e accan, yn chloan gyn ayr, as eshyn va gyn cooney.

Psalmyn 82:3

Jean-jee ny boghtyn as y chloan gyn ayr y endeil: jeeagh-jee dy vow adsyn cairys ta ayns feme as ymmyrch.

Raaghyn Creeney 16:12

Te dwoaiagh ayns reeaghyn, ad dy yannoo aggair: son ta’n stoyl-reeoil cummit seose liorish cairys.

Raaghyn Creeney 20:8

Yn ree ta ny hoie er stoyl y vriwnys, t’eh skeayley ersooyl dy chooilley olk lesh e hooillyn.

Raaghyn Creeney 29:7

Ta’n dooinney cairal goaill seose cooish yn ymmyrchagh: agh s’mooar lesh y drogh ghooinney dy hoiggal eh.

Isaiah 1:17

Ynsee-jee dy yannoo mie; shir-jee briwnys, cooin-jee lhieusyn ta tranlaasit; jean-jee briwnys son y chloan gyn ayr; Gow-jee seose cooish y ven-treoghe.

Isaiah 1:23

Ta dty phrinceyn mee-reiltagh, as sheshaghyn maarlee: ta dagh fer jeu sondagh er giootyn, as shêgin er leagh briwnys: cha vel ad briwnys son y chloan gyn ayr, chamoo ta cooish yn ven-treoghe cheet kiongoyrt roo.

Isaiah 11:4

Agh lesh cairys nee eh briwnys yn hoght, as ver eh oghsan lesh corrymid son imlee yn theihll: as bwoaillee eh yn thalloo lesh slatt e veeal, as lesh ennal e veillyn stroie-ee eh ny mee-chrauee.

Jeremiah 21:12

O hie Ghavid, myr shoh ta’n Chiarn dy ghra, Cur-jee briwnys cairagh ’sy voghrey, as livrey-jee eshyn ta tranlaasit ass laue yn tranlaasagh, er-aggle dy jed m’eulys magh myr aile, as lostey nagh vod unnane erbee y vooghey eh, kyndagh rish olkys nyn ghrogh-yannoo.

Jeremiah 22:3

Myr shoh ta’n Chiarn dy ghra, Shirveish-jee briwnys cairagh as jeeragh, as livrey-jee eshyn ta tranlaasit veih laue yn tranlaasagh: as ny jean-jee aggair, ny tranlaase erbee er y joarree, yn lhiannoo gyn ayr, ny’n ven-treoghe, chamoo jean-jee fuill gyn-loght y gheayrtey ’syn ynnyd shoh.

Jeremiah 23:5

Cur-my-ner, ta ny laghyn cheet, ta’n Chiarn dy ghra, dy drog-yms seose gys David Banglane cairal, as nee Ree reill as bishaghey, as briwnys as ynrickys y chooilleeney er y thalloo.

Jeremiah 5:28

T’ad er n’aase roauyr, t’ad ayns callin vie, t’ad er n’gholl erskyn eer obbraghyn smessey ny mee-chrauee; cha vel ad briwnys yn chooish, cooish y chloan gyn ayr, ny-yeih t’ad bishaghey; as cooish chair yn ymmyrchagh cha vel ad reaghey.

Daniel 4:27

Shen-y-fa, O ree, gow dy arryltagh my choyrle’s, as brish jeh dty pheccaghyn liorish ynrickys, as dty vee-chairys liorish soilshaghey myghin da’n voght, hoiggal, myr shen dy bee dty vaynrys ny-sodjey beayn.

Leviticus 19:15

Cha jean shiu veg y neu-chairys ayns briwnys; cha jean oo soiaghey jeh persoon y voght, ny cur geill da persoon y verchagh: agh ayns cairys nee uss briwnys dty naboo.

Zechariah 7:9

Myr shoh ta Chiarn ny flaunyssee loayrt, gra, Jean-jee briwnys firrinagh, as soilshee-jee myghin as erreeish dy chooilley ghooinney da e vraar.

Zechariah 9:9

Gow boggey mooar, O inneen Zion: trog seose dty choraa, O inneen Yerusalem: cur-my-ner, ta dty ree cheet hood: t’eh ynrick, ta saualtys echey, t’eh imlee, as markiaght er assyl, as er lhiy sharragh yn assyl.

Noo Ean 7:24

Ny jean-jee briwnys rere yn caslys, agh jean-jee briwnys cairagh.

Deuteronomy 1:16

As hug mee currym da ny briwnyn eu ec y traa shen, gra, Cur-jee clashtyn da ny cooishyn ta eddyr nyn mraaraghyn, as cur-jee briwnys cairagh, eddyr dy chooilley ghooinney as e vraar, as y joarree ta ny mast’ eu.

Hebrewnee 1:9

T’ou er choyrt graih da cairys, as feoh da mee-chairys; shen-y-fa ta Jee, dy jarroo yn Jee ayd’s, er dty ooilaghey lesh yn ooil dy ghennallys erskyn dty heshaghyn.

Ashlish 19:11

As honnick mee niau foshlit as cur-my-ner, cabbyl bane: as va eshyn va markiagh er enmyssit Firrinagh as Ynrick, as ayns cairys t’eh briwnys as jannoo caggey.

1 Samuel 19:4

As loayr Jonathan fockle mie son David rish Saul e ayr, as dooyrt eh rish, Ny lhig da’n ree peccah yannoo noi e harvaant, noi David; er-yn-oyr nagh vel eh er n’yannoo peccah dt’oï, as er-yn-oyr dy vel eh er hirveish oo dy firrinagh.

1 Samuel 20:32

As dreggyr Jonathan Saul e ayr, as dooyrt eh rish, Cre’n-fa vees eh er ny stroie? cre’n foill t’eh er n’yannoo?