Raaghyn Creeney 30:9 - Yn Vible Casherick 1775 1819

⁹ Er-aggle dy bee’m lane as dy jarrood-ym oo, gra, Quoi ta’n Chiarn? ny, er-aggle dy bee’m boght, as geid, as goaill ennym my Yee ayns fardail.

Raaghyn Creeney 30:9 ပူးပေါင်းရင်းမြစ်များ

Psalmyn 125:3

Son cha jig lorg ny mee-chrauee er cronney yn vooinjer chairal: son nagh der y sleih cairal nyn laue gys olkys.

Exodus 20:7

Cha gow ennym y Chiarn dty Yee ayns fardail; son cha gum y Chiarn eshyn gyn loght ta goaill e ennym ayns fardail.

Exodus 5:2

As dooyrt Pharaoh, Quoi’n Chiarn, dy vel mish dy choyrt biallys gys e choraa, dy lhiggey’n raad da Israel? cha nione dooys y Chiarn, chamoo lhig-yms y raad da Israel.

Raaghyn Creeney 29:24

Quoi-theihll ta sheshey rish maarliagh, t’eh noid da e annym hene: t’eh er bree e loo, as cha vel eh soilshaghey yn ynrickys.

Isaiah 59:13

Ayns jannoo peccah as loayrt breagyn noi yn Chiarn, as coyrt cooyl rish y Jee ain, ayns goan dy hranlaase as dy irree-magh, giennaghtyn as loayrt veih’n chree ny goan dy oalsaght.

Jeremiah 2:31

O heeloghe, gow-jee tastey jeh goo yn Chiarn: Vel mee er ve ny aasagh da Israel? cheer dy ghorraghys? Cre’n-fa ta my phobble gra, Ta shin nyn mainshtyryn hene; cha jig mayd ny-sodjey hood’s?

Jeremiah 5:12

T’ad er chur breg er y Chiarn, as er ghra, Cha nee eh t’ayn, chamoo hig olk orrin, chamoo nee mayd cliwe ny genney y akin:

Ezekiel 23:35

Shen-y-fa, myr shoh ta’n Chiarn Jee dy ghra, Er-yn-oyr dy vel oo er my yarrood, as er chur cooyl rhym, shen-y-fa nee oo gymmyrkey kerraghey dty neu-heeltys, as dty vaarderys.

Daniel 4:17

Ta’n chooish shoh liorish oardaghey ny arreyderyn, as y yeearree liorish goo ny flaunyssee, dy vod ny bioee toiggal, dy vel y Jee smoo syrjey reill ayns reeriaght deiney, as dy choyrt eh dauesyn saillish hene, as soiaghey harrish ny moodjeenyn s’inshley dy gheiney.

Daniel 4:30

Loayr y ree, as dooyrt eh, Nagh nee shoh Babylon mooar, ta mee er hroggal son thie yn reeriaght, liorish niart my phooar, as son onnor my ooashley?

Hosea 13:6

Cordail rish nyn aber, myr shen v’ad jeant magh; v’ad er nyn lhieeney, as va’n cree oc er ny yrjaghey: shen-y-fa t’ad er my yarrood.

Leviticus 5:1

My ta persoon er n’yannoo peccah, as ayns gymmyrkey feanish er bree e loo, my t’eh er vakin, ny er chlashtyn jeh, mannagh vel eh dy hoilshaghey shen, nee eh gymmyrkey e pheccah.

Noo Mian 26:72

As reesht dob eh lesh loo, Cha nione dou yn dooinney.

Noo Mian 26:74

Eisht ren eh toshiaght dy ghweeaghyn as dy loo, gra, Cha nione dou yn dooinney. As chelleeragh ren y kellagh gerrym.

Deuteronomy 31:20

Son erreish dou v’er choyrt lhiam ad gys y cheer, vreear mee da nyn ayraghyn, ta palchey ayns bainney as mill; as erreish daue v’er n’ee as er n’yannoo ad hene magh, as er n’aase rouanagh; eisht nee ad chyndaa gys jeeghyn elley, as shirveish ad, as brasnaghey mish, as brishey my chonaant.

Deuteronomy 32:15

Agh daase Jeshurun roauyr, as ren eh brebbal: t’ou uss er n’aase roauyr, as t’ou er n’ghoaill thummyd, t’ou coodit lesh saill; eisht hreig eh Jee ren eh y chroo, as hoie eh beg jeh creg e haualtys.

Joshua 24:27

As dooyrt Joshua rish ooilley’n pobble, Cur-my-ner bee’n clagh shoh son feanish eddyr shin; son te er chlashtyn ooilley ny goan ta’n Chiarn er loayrt rooin: bee eh er-y-fa shen son feanish diu, nagh jean shiu gobbal yn Jee eu.