Raaghyn Creeney 30:8 - Yn Vible Casherick 1775 1819

⁸ Scugh foddey voym fardalys as breagyn: ny cur dou edyr boghtynid ny berchys, jean mee magh lesh beaghey cooie er my hon:

Raaghyn Creeney 30:8 ပူးပေါင်းရင်းမြစ်များ

Genesis 28:20

As ren Jacob breearrey, gra, My vees Jee mârym, as my nee eh m’y reayll ’sy raad ta mee goll, as my ver eh dou arran dy ee, as coamrey dy chur moom;

2 Reeaghyn 25:30

As va lowanse kinjagh er ny choyrt da liorish y ree, wheesh shen gour y laa, choud as v’eh bio.

Lioar Yob 23:12

Chamoo ta mee er hyndaa veih slattys e veillyn; ta mee er hoiaghey ny smoo jeh goan e veeal na jeh my veaghey ymmyrchagh.

Psalmyn 119:29

Scugh foddey voym yn raad dy vreagyn: as cur orrym mooar y yannoo jeh dty leigh.

Psalmyn 119:37

O chyndaa ersooyl my hooillyn, nagh der ad geill da fardail: as jean mish y vioghey ayns dty raad.

Exodus 16:15

As tra honnick cloan Israel eh, dooyrt ad ry-cheilley, Manna? [cre shoh?] son cha row fys oc cre ve. As dooyrt Moses roo, Shoh’n arran ta’n Chiarn er choyrt diuish dy ee.

Exodus 16:18

As tra howse ad eh lesh omer, cha row veg harrish echeysyn ren mooarane y haglym, as ersyn haggil cooid y veggan, cha row dolley: ren dy chooilley ghooinney chaglym rere feme e hie.

Exodus 16:29

Gow-jee tastey, son dy vel y Chiarn er choyrt diu yn doonaght, t’eh er-y-fa shen coyrt diu er y cheyoo laa arran daa laa: fuirree-jee dy chooilley ghooinney sthie, ny lhig da fer erbee goll magh er y chiaghtoo laa.

Exodus 16:35

As d’ee cloan Israel manna rish da-eed bleïn, derrey haink ad gys cheer va cummaltee ayn; d’ee ad manna, derrey haink ad gys slystyn cheer Chanaan.

Raaghyn Creeney 13:5

Ta dwoaie ec y dooinney ynrick er breagyn: agh ta’n peccagh mee-chrauee feohdoil, as cheet gys nearey.

Raaghyn Creeney 21:6

Lesh chengey vreagagh dy chosney berchys, te fardalys leaystey noon as noal mâroosyn ta geiyrt er toyrt-mow.

Raaghyn Creeney 22:8

Eshyn ta cuirr mee-chairys, nee eh buinn fardalys: as bee soost e hranlaase er ny vrishey.

Raaghyn Creeney 23:5

Jean oo dty hooillyn y hoiaghey er shen nagh vel farraghtyn? son ta berchys dy shickyr jannoo skianyn daue hene; t’ad getlagh ersooyl myr urley neealloo yn aer.

Raaghyn Creeney 30:7

Daa red ta mee er yeearree ort; ny obb ad dou roish my voym baase.

Ecclesiastes 1:2

Fardail dy ardalys ta’n preachoor dy ghra, fardail dy ardalys, ta ooilley fardail.

Isaiah 5:18

Smerg dauesyn ta tayrn mee-chraueeaght lesh coyrdyn dy ardalys, as peccah myr dy beagh eh lesh tedd cart!

Isaiah 59:4

Agh cha vel unnane geamagh son cairys, ny pleadeil son yn ynrickys: t’ad treishteil ayns fardail, as loayrt breagyn; t’ad gientyn olkys, as gymmyrkey magh mee-chairys.

Jeremiah 37:21

Eisht doardee Zedekiah yn ree Jeremiah dy ve ayns cooyrt y phryssoon, as dy choyrt da gagh laa lowanse arran veih straïd y fuinneyder, derrey veagh ooilley’n arran ’syn ard-valley baarit. Myr shoh duirree Jeremiah ayns cooyrt y phryssoon.

Jeremiah 52:34

As son e veaghey gagh-laa, va lowanse kinjagh echey veih ree Vabylon ooilley laghyn e vea.

Noo Mian 6:11

Cur dooin nyn arran jiu as gagh laa.

Noo Mian 6:33

Agh shir-jee hoshiaght reeriaght Yee as e chairys, as bee shiu jeant magh lesh ooilley ny reddyn shoh.

Noo Luke 11:3

Cur dooin laa lurg laa nyn arran gagh-laa.

Noo Ean 2:8

As dooyrt eh roo, Tayrn-jee nish, as cur-jee lhieu gys mainshter ny cuirraghyn. As hug ad lhieu eh.

Jannoo 14:15

As gra, Gheiney, cre’n-fa ta shiu jannoo ny reddyn shoh? Cha vel shinyn agh deiney jeh ny annooinidyn cheddin riu hene, as ta shin preacheil diu shiu dy hyndaa veih ny fardalyssyn shoh gys y Jee bio, chroo niau as thalloo, as y faarkey as dy chooilley nhee t’ayndoo: