Raaghyn Creeney 30:4 - Yn Vible Casherick 1775 1819

⁴ Quoi t’er n’gholl seose gys niau, ny er jeet neose? quoi t’er haglym yn gheay ayns e ghurn? quoi t’er chiangley ny ushtaghyn lesh cagliagh? quoi t’er hickyraghey ooilley ardjyn y thallooin? cre’n ennym t’er, as cre’n ennym t’er e vac, my ta fys ayd?

Raaghyn Creeney 30:4 ပူးပေါင်းရင်းမြစ်များ

Genesis 32:29

As dênee Jacob jehsyn, as dooyrt eh, Insh dooys, ta mee guee ort, dty ennym’s: As dooyrt eh, Cre’n-fa te, dy vel oo briaght son my ennym’s? as vannee eh eh ayns shen.

Lioar Yob 11:7

Vod uss liorish ronsaghey geddyn magh Jee? vod slane toiggal ’ve ayd jeh folliaghtyn yn Ooilley-niartal?

Lioar Yob 11:8

T’eh ny syrjey na niau; cre oddys oo y yannoo? ny s’diuney na niurin; cre’n tushtey oddys ’ve ayd jeh?

Lioar Yob 26:8

T’eh kiangley seose ny ushtaghyn ayns e vodjallyn chiu, as cha vel y bodjal er ny scoltey foue.

Psalmyn 135:7

T’eh cur magh ny bodjallyn veih ardjyn sodjey magh y theihll: as cur magh ny tendreilyn-taarnee lesh y fliaghey, tayrn ny geayghyn magh ass e hashtaghyn.

Psalmyn 2:7

Neem’s y leigh y phreacheil, my-e-chione ta’n Chiarn er ghra rhym: Uss my Vac, jiu yn laa ta mee er dty gheddyn.

Psalmyn 22:27

Nee ooilley ardjyn y thallooin cooinaghtyn orroo hene, as bee ad er nyn jyndaa gys y Chiarn: as ver ooilley kynneeyn ny ashoonyn ooashley kiongoyrt rish.

Psalmyn 24:2

Son t’eh er hoiaghey eh er ny faarkaghyn: as er hickyraghey eh er ny thooillaghyn.

Psalmyn 68:18

T’ou er n’gholl seose er yn yrjid, t’ou er leeideil cappeeys ayns bondiaght, as er gheddyn giootyn son deiney: dy jarroo, son dt’eer noidyn, dy voddagh y Chiarn Jee cummal ny mast’ oc.

Exodus 15:10

Lesh dty gheay ren oo sheidey; ren y faarkey nyn goodaghey: ren ad sinkeil myr leoaie ayns ny ushtaghyn stermagh.

Exodus 6:3

As hoilshee mee mee-hene da Abraham, da Isaac, as da Jacob, liorish ennym yn jee ooilley-niartal, agh liorish my ennym JEHOVAH cha row enney oc orrym.

Isaiah 45:18

Son myr shoh ta’n Chiarn dy ghra chroo ny niaughyn, Jee hene ren y thalloo y chummey as chroo eh, t’eh er hickyraghey eh, cha chroo eh eh ayns fardail, ren eh cummey eh cour cummaltee; mish y Chiarn, as cha vel Jee erbee elley.

Isaiah 53:8

V’eh er ny ghoaill veih pryssoon as veih briwnys: as quoi nee yn veayntys echey y hoilshaghey? son v’eh giarit jeh veih cheer ny bioee: son loghtyn my phobble’s ren eshyn surranse.

Isaiah 7:14

Shen-y-fa ver y Chiarn hene cowrey diu: Cur-my-ner, nee moidyn gientyn, as mac y choyrt son y theihll, as bee eh enmyssit Immanuel.

Isaiah 9:6

Son dooinyn ta lhiannoo er ny ruggey, dooinyn ta mac er ny choyrt, as bee yn reiltys er e gheaylin; as bee eh enmyssit, Yn Er-yindyssagh, Fer-coyrlee, Yn Jee niartal, Yn Ayr dy bragh beayn, Yn Prince dy hee.

Jeremiah 23:6

Rish y lhing echeysyn vees Judah er ny hauail, as nee Israel cummal ayns sauchys; as shoh yn ennym vees cowrit er, YN CHIARN YN YNRICKYS AINYN.

Noo Mian 11:27

Ta dy chooilley nhee er ny livrey dooys liorish my Ayr: as cha nhione da dooinney erbee yn Mac, agh yn Ayr: chamoo shione da dooinney erbee yn Ayr, agh y Mac, as eshyn da s’gooidsave lesh yn Mac eh y hoilshaghey.

Noo Luke 10:22

Ta dy chooilley nhee er ny livrey dooys liorish my Ayr: as cha vel fys ec unnane erbee quoi yn Mac, agh yn Ayr; ny quoi yn Ayr, agh yn Mac, as eshyn da nee yn Mac eh y hoilshaghey.

Noo Ean 3:13

As cha vel dooinney erbee er gholl seose gys niau, agh eshyn haink neose veih niau, eer yn Mac dooinney ta ayns niau.

Romanee 10:6

Agh ta’n chairys ta liorish credjue, loayrt er yn aght shoh, Ny abbyr ayns dty chree, Quoi hed seose gys niau? (ta shen, dy chur lesh Creest neose)

Deuteronomy 28:58

Mannagh bee oo imneagh dy chooilleeney ooilley goan y leigh shoh, ta scruit ’sy lioar shoh, dy vod aggle ’ve ort roish yn ennym gloyroil as agglagh shoh, YN CHIARN DTY YEE;

Deuteronomy 30:12

Cha nee ayns niau te, dy niarragh oo, Quoi hed seose gys niau er nyn son, dy choyrt lesh hooin eh, dy vod mayd clashtyn, as jannoo eh?

Ashlish 19:12

As va ny sooillyn echey myr lossey dy aile, as er e chione va ymmodee attaghyn; as va ennym echey scruit nagh row dooinney erbee dy hoiggal agh eh-hene:

Briwnyn 13:18

As dooyrt ainle y Chiarn rish, Cre’n-fa t’ou fênaght myr shoh lurg m’ennym’s, ta folliaght?