Raaghyn Creeney 30:3 - Yn Vible Casherick 1775 1819

³ Cha dynsee mee creenaght, chamoo t’aym tushtey ny flaunyssee.

Raaghyn Creeney 30:3 ပူးပေါင်းရင်းမြစ်များ

Raaghyn Creeney 30:4

Quoi t’er n’gholl seose gys niau, ny er jeet neose? quoi t’er haglym yn gheay ayns e ghurn? quoi t’er chiangley ny ushtaghyn lesh cagliagh? quoi t’er hickyraghey ooilley ardjyn y thallooin? cre’n ennym t’er, as cre’n ennym t’er e vac, my ta fys ayd?

Raaghyn Creeney 9:10

Ta aggle y Chiarn toshiaght creenaght, as dy hoiggal casherickys, ta shoh tushtey.

Isaiah 30:11

Cosne-jee ass y raad, chyndaa-jee dy lhiattee jeh’n chassan, lhig da Jee casherick Israel scughey veih ny mast’ ain.

Isaiah 57:15

Son shoh myr ta’n Jee smoo ard as ooasle dy ghra, eer eshyn ta cummal ayns beaynid dy bragh farraghtyn, e ennym ta Casherick; Ta mee cummal ’syn ynnyd ard as casherick, mârishyn myrgeddin ta jeh spyrryd imlee arryssagh, dy gherjaghey spyrryd ny imlee, as dy gherjaghey cree ny accryssee.

Isaiah 6:10

Bee cree yn phobble shoh jeant roauyr, as bee far-chlashtyn ayns nyn gleayshyn, as nee ad jeigh nyn sooillyn; er-aggle dy vaik ad lesh nyn sooillyn, as dy glin ad lesh nyn gleayshyn, as dy doig ad lesh nyn gree, as dy bee ad er nyn jyndaa, as er nyn lheihys.

Isaiah 6:3

As deïe yn derrey yeh gys y jeh elley, gra, Casherick, casherick, casherick ta Chiarn ny flaunyssee; ta’n slane seihll lane jeh e ghloyr.

Noo Mian 11:27

Ta dy chooilley nhee er ny livrey dooys liorish my Ayr: as cha nhione da dooinney erbee yn Mac, agh yn Ayr: chamoo shione da dooinney erbee yn Ayr, agh y Mac, as eshyn da s’gooidsave lesh yn Mac eh y hoilshaghey.

Noo Mian 16:17

Dansoor Yeesey, as dooyrt eh rish, Bannit t’ou uss Simon mac Jona: son cha nee feill as fuill t’er hoilshaghey shoh dhyt’s, agh my Ayr t’ayns niau.

Noo Ean 17:3

As shoh yn vea veayn, tushtey y ve oc jeed’s yn ynrycan Jee firrinagh, as jeh Yeesey Creest t’ou uss er choyrt.

Romanee 11:33

O diunid y verchys chammah jeh creenaght as tushtey Yee! cre cha follit ta ny briwnyssyn echey, as e raaidyn erskyn nyn roshtyn!

Ashlish 3:7

As gys ainle agglish Philadelphia, scrieu, Ny reddyn shoh ta’n fer casherick, yn er firrinagh dy ghra, eshyn ta ogher Ghavid echey, eshyn ta fosley, as cha vel dooinney erbee jeigh; as ta jeigh, as cha vel fer erbee fosley:

Ashlish 4:8

As v’ec dagh fer jeh ny kiare cretooryn shey skianyn mygeayrt-y-mysh, as v’ad lane dy hooillyn cheu-sthie; as cha vel ad scuirr laa ny oie, gra, Casherick, casherick, casherick, Hiarn Yee Ooilley-niartal, va, as ta, as ta ry-heet.