Raaghyn Creeney 30:12 - Yn Vible Casherick 1775 1819

¹² Ta sheeloghe ayn, ta glen ayns ny sooillyn oc hene, as foast cha vel ad nieet veih nyn mroïd.

Raaghyn Creeney 30:12 ပူးပေါင်းရင်းမြစ်များ

Noo Luke 18:11

Hass y Pharisee as ghow eh padjer myr shoh rish hene, Yee, ta mee cur booise dhyt, nagh vel mish myr deiney elley, tranlaasee, neu-chairagh, brishey-poosey, ny foast myr y publican shoh.

Raaghyn Creeney 16:2

Ta ooilley raaidyn dooinney glen ayns e hooillyn hene: agh ta’n Chiarn meihaghey ny spyrrydyn.

2 Timothy 3:5

Goaill orroo caslys dy chraueeaght, agh jannoo noi’n phooar [vreeoil] echey: veih nyn lheid chyndaa ersooyl.

Jeremiah 2:35

Foast t’ou uss gra, Er-y-fa dy vel mee gyn foill, shickyr nee e chorree chyndaa voym: cur-my-ner, prow-ym ort eh, son dy vel oo gra, Cha vel mee er n’yannoo peccah.

Titus 3:5

Cha nee liorish obbraghyn dy chairys, ta shin er n’yannoo, agh cordail rish e vyghin t’eh er hauail shin liorish niee yn aa-ghiennaghtyn [ayns bashtey], as jannoo shin ass-y-noa liorish y Spyrryd Noo;

Noo Luke 16:15

As dooyrt eh roo, Shiuish yn vooinjer ta dy heyrey shiu hene kiongoyrt rish deiney: agh ta fys ec Jee er ny creeaghyn eu: son ta shen ta dy mooar soit jeh mastey deiney, feohdoil ayns shilley Yee.

Ezekiel 36:25

Eisht spreih-yms shiu lesh ushtey glen, as bee shiu er nyn ghlenney veih ooilley nyn mroïd, as veih ooilley ny jallooyn eu neem’s shiuish y ghlenney.

Isaiah 65:5

Ta gra, Shass ort hene, ny tar my choair; son ta mee ny s’casherick na uss. T’ad shoh myr jaagh my eulys, aile ta lostey fey-ny-laa.

Raaghyn Creeney 21:2

Ta raaidyn dooinney ooilley jeeragh ayns e hooillyn hene: agh ta’n Chiarn ronsaghey ny creeaghyn.

1 Corinthianee 6:11

As nyn lheid va paart euish: agh va shiu er nyn niee, agh va shiu er nyn gasherickey, agh va shiu er nyn seyrey ayns ennym y Chiarn Yeesey, as liorish Spyrryd yn Jee ain.

Zechariah 13:1

As ayns y laa shen bee farrane er ny osley da thie Ghavid, as da cummaltee Yerusalem, son peccah, as son neu-ghlennid.

Jeremiah 4:14

O Yerusalem, jean dty chree y niee veih mee-chraueeaght, dy vod oo ve sauchey: caïd nee dty smooinaghtyn fardalagh cummal cheu-sthie jeed?

Isaiah 1:16

Niee-jee, jean-jee glen; cur-jee ersooyl olk nyn yannoo veih my hooillyn; scuirr-jee veih’n drogh-yannoo;

Psalmyn 51:7

Nee oo mish y ghlenney lesh hyssop, as bee’m glen: nee oo m’y niee, as bee’m ny s’gilley na sniaghtey.

Psalmyn 51:2

Niee mee dy bollagh veih m’olkys: as glen mee veih my pheccah.

Psalmyn 36:2

Son t’eh brynneraght rish hene ayns e hilley hene: derrey vees e pheccah eajee er ny gheddyn magh.

Ashlish 1:5

As veih Yeesey Creest, yn feanish firrinagh, as y chied-er-ny-ruggey veih ny merriu, as prince reeaghyn y thallooin: Huggeysyn va graihagh orrin, as ren shinyn y niee veih nyn beccaghyn ayns yn uill echey hene.

Lioar Yob 33:9

Ta mee glen veih drogh-yannoo, ta mee gyn-loght; chamoo ta mee-chairys erbee aynym.

Briwnyn 17:13

Eisht dooyrt Micah, Nish ta fys aym dy jean y Chiarn m’y vannaghey, fakin dy vel Levite aym dy ve my haggyrt.

Briwnyn 17:5

As va ec Micah cabbal ayns e hie, as ren eh ephod, as teraphim, as ren eh fer jeh e vec y chasherickey, dy ve ny haggyrt da.

Hosea 12:9

As mish ta’n Chiarn dty Yee veih thalloo Egypt, ver foast ort freayll ayns cabbaneyn, myr ayns laghyn y feailley casherick shen.