Raaghyn Creeney 3:9 - Yn Vible Casherick 1775 1819

⁹ Cur ooashley da’n Chiarn lesh dty chooid-seihlt, as lesh ny chied-vessyn jeh ooilley dty vishagh.

Raaghyn Creeney 3:9 ပူးပေါင်းရင်းမြစ်များ

Genesis 28:22

As bee yn chlagh shoh, ta mee er hoiaghey son pillar, thie Yee: as jeh ooilley ny ver oo dou, son shickyrys, ver-yms dhyt’s y jaghee.

2 Recortyssyn 31:10

As dreggyr Azariah ard-saggyrt thie Zadok eh, as dooyrt eh, Er-dyn traa ren y pobble toshiaght dy chur lhieu ny ourallyn stiagh ayns thie yn Chiarn, ta dy liooar er ve ain son beaghey, as nyn saie fooilliagh: son ta’n Chiarn er vannaghey e phobble; as shen ny ta faagit, yn stoyr mooar shoh.

2 Recortyssyn 31:21

As ayns dy chooilley obbyr ghow eh ayns laue dy yannoo ayns shirveish thie Yee, as cordail rish y leigh, as ny annaghyn, dy hirrey e Yee, shen ren eh lesh ooilley e chree, as haink eh lesh myrgeddin.

Psalmyn 144:13

Dy vod ny thieyn-tashtee ain ’ve lane, as jeant magh dy palchey lesh dy chooilley horch dy stoyr: dy vod ny kirree ain bishaghey gys thousaneyn as jeih thousaneyn ayns nyn oayll;

Exodus 22:29

Cha lhig oo shaghey dy hebbal yn chied-vess jeh dty arroo creen, as y chied-lhiggey jeh dty ghoagh-feeyney: yn er shinney jeh dty vec ver oo dooys.

Exodus 23:16

As feailley ny fouyr, yn chied-vess jeh dty laboraght, t’ou er chuirr ’sy vagher: as feailley yn chur-stiagh, ta jerrey ny bleeaney, tra t’ou er choyrt stiagh dty hroar ass y vagher.

Exodus 23:19

Toshiaght yn chied-vess jeh dty halloo ver oo lhiat stiagh gys thie’n Chiarn dty Yee. Cha jean oo mannan y vroie ayns bainney e vayrey.

Exodus 34:26

Toshiaght y chied-vess jeh dty halloo ver oo lhiat stiagh gys thie’n Chiarn dty Yee. Cha jean oo mannan y vroie ayns bainney e vayrey.

Raaghyn Creeney 11:25

Bee’n dooinney feoiltagh jeant magh lesh sonnys, as eshyn ta gushtaghey, bee eh-hene er ny ooraghey.

Raaghyn Creeney 14:31

Eshyn ta tranlaasagh er y voght, t’eh goltooan e Er-croo: agh t’eh coyrt ooashley dasyn ta chymmoil er ny boghtyn.

Isaiah 43:23

Cha nee dooys t’ou er hebbal eayin ny mannanyn dty ourallyn-losht, chamoo t’ou er ooashlaghey mish lesh dty hebballyn: cha nee mish t’er chiangley lheid yn oural ort, ny er choyrt oo gys cost incense.

Leviticus 19:25

As ayns y wheiggoo vleïn, nee shiu gee jeh’n mess oc, dy vod bannaght smoo ve er y vishagh oc: Mish y Chiarn y Jee eu.

Earrooyn 15:20

Nee shiu chebbal berreen jeh toshiaght y theayst eu, son oural-troggit-seose: myr ta shiu jannoo rish oural-troggit-seose y laare-arroo, myr shen nee shiu troggal eh seose.

Noo Mian 25:17

As myrgeddin eshyn v’er gheddyn jees, chossyn eh neesht jees elley.

1 Corinthianee 16:2

Er y chied laa jeh’n chiaghtin, lhig dagh unnane eu coyrt dy lhiattee ayns stoyr, myr ta Jee er vannaghey eh, nagh bee feme chaglym y yannoo tra hig-ym.

Deuteronomy 14:29

As hig y Levite (son nagh vel ayrn ny eiraght echey mayrt) as y joarree, as y lhiannoo gyn ayr, as y ven-treoghe, t’er cheu-sthie jeh dty yiattyn, as nee ad gee, as bee ad jeant magh: dy vod yn Chiarn dty Yee oo y vannaghey ayns dy chooilley obbyr t’ou cur dty laue huggey.