Raaghyn Creeney 3:5 - Yn Vible Casherick 1775 1819

⁵ Cur dty hreishteil ayns y Chiarn lesh ooilley dty chree; as ny cur barrant er dty hushtey hene.

Raaghyn Creeney 3:5 ပူးပေါင်းရင်းမြစ်များ

Ezra 8:23

Myr shen ren shin trostey, as aghin y yannoo gys y Jee ain son shoh, as hooar shin nyn aghin.

Lioar Yob 13:15

Ga dy marr eh mee, ny-yeih treishtin ayn: agh neem’s my ynrickys y yannoo mie kiongoyrt rish.

Psalmyn 125:1

Bee adsyn ta coyrt nyn dreishteil ayns y Chiarn, dy jarroo myr cronk Sion: nagh vod v’er ny scughey, agh ta shassoo shickyr er son dy bragh.

Psalmyn 37:3

Cur uss dty varrant er y Chiarn, as jean dy mie: jean cummal ayns y cheer, as bee oo dy firrinagh er dty yannoo magh.

Psalmyn 37:5

Treisht gys y Chiarn dty raad, as cur dty varrant er: as ver eshyn lesh eh gy-kione.

Psalmyn 37:7

Cum shickyr gys y Chiarn, as farkee dy surransagh ersyn: as ny lhig da sneih ve ort kyndagh rishyn ta’n seihll cheet lesh, noi’n dooinney ta jannoo lurg drogh choyrleyn.

Psalmyn 62:8

O cur-jee nyn marrant er dy kinjagh, shiuish phobble: deayrt-jee magh nyn greeaghyn kiongoyrt rish; son ta Jee nyn dreishteil.

Raaghyn Creeney 22:19

Dy vod dty varrant ve er y Chiarn, ta mee er hoilshaghey ad dhyt jiu, dy feer dhyt hene.

Raaghyn Creeney 23:4

Ny jean rouyr siyr dy ve berchagh: ny cur slane treisht gys dty chreenaght hene.

Raaghyn Creeney 28:26

Eh ta treishteil gys e chree hene, t’eh ny ommydan: agh bee eshyn sauchey ta shooyl dy creeney.

Raaghyn Creeney 3:7

Ny bee creeney ayns dty hooillyn hene: gow aggle roish y Chiarn, as scarr rish yn olk.

Isaiah 12:2

Cur-my-ner, ta Jee my haualtys; nee’m treishteil, as cha goym aggle; son ta’n Chiarn Jehovah my niart as my arrane, t’eh myrgeddin er jeet dy ve my haualtys.

Jeremiah 10:23

O Hiarn, ta fys aym nagh vel immeeaght dooinney fo’n reill echey hene: cha vel eh ayns dooinney ta shooyl dy oardaghey e chesmadyn hene.

Jeremiah 9:23

Myr shoh ta’n Chiarn dy ghra, Ny lhig da’n dooinney creeney boggyssagh ass e chreenaght, chamoo lhig da’n dooinney niartal boggyssagh ass e niart, ny lhig da’n dooinney berchagh boggyssagh ass e verchys:

Earrooyn 9:20

As myrgeddin ve, tra va’n bodjal son beggan dy laghyn er y chabbane: cordail rish sarey’n Chiarn duirree ad ayns nyn gabbaneyn, as cordail rish sarey’n Chiarn, ghow ad nyn yurnah.

Earrooyn 9:22

Ny edyr eh ve daa laa, ny mee, ny bleïn, dy duirree’n bodjal er y chabbane, tannaghtyn er, duirree cloan Israel ayns nyn gabbaneyn, as cha ghow ad jurnah: agh tra ve er droggal, hie ad er nyn doshiaght.

Romanee 12:16

Bee-jee jeh un aigney yn derrey yeh gys y jeh elley. Ny soie-jee nyn aigney er nheeghyn ard, agh croym-jee gys deiney ta injil ayns stayd. Ny bee-jee creeney ayns ny smooinaghtyn eu hene.

Ephesianee 1:12

Dy beagh shinyn, ren hoshiaght treishteil ayns Creest, gys moylley e ghloyr.