Raaghyn Creeney 3:3 - Yn Vible Casherick 1775 1819

³ Ny lhig da myghin, as firrinys treigeil oo: kiangle ad mysh dty wannal, scrieu ad er glaare dty chree.

Raaghyn Creeney 3:3 ပူးပေါင်းရင်းမြစ်များ

2 Samuel 15:20

Fakin nagh daink uss agh er y gherrit shoh, cre’n-fa ragh oo noon as noal mârin? as dy vel fys aym’s cre’n raad ny ghoaill, chyndaa uss, as gow mayrt dty vraaraghyn: as myghin as firrinys dy row mayrt.

Psalmyn 119:11

Dty ghoan ta mee er ollaghey cheu-sthie ayns my chree: nagh jinnin peccah dt’oï.

Psalmyn 25:10

Er graih dt’ennym, O Hiarn: bee myghinagh da my pheccah, son s’mooar te.

Psalmyn 85:10

Ta myghin as firrinys er choyrt quaaltys dy cheilley: ta cairys as shee er phaagey yn derrey yeh yn jeh elley.

Exodus 13:9

As bee eh son cowrey dhyt er dty laue, as son cooinaghtyn roish dty hooillyn; dy vod leigh’n Chiarn ve ayns dty veeal: son lesh laue lajer ta’n Chiarn er chur lesh oo magh veih Egypt.

Exodus 34:6

As hie’n Chiarn shaghey kiongoyrt rish, as ren eh fockley magh, yn CHIARN, yn CHIARN JEE, myghinagh as graysoil, jeh surranse-foddey, as feoiltagh ayns mieys as ayns ynrickys,

Raaghyn Creeney 1:9

Son bee ad aalid dy ghrayse da dty chione, as myr boandey airhey mysh dty wannal.

Raaghyn Creeney 14:22

Nagh vel ad er-shaghryn ta shêgin er olk? agh bee myghin as firrinys mâroosyn ta smooinaghtyn dy mie.

Raaghyn Creeney 16:6

Liorish myghin as firrinys ta mee-chairys er ny chastey, as liorish aggle y Chiarn ta sleih shaghney olk.

Raaghyn Creeney 20:28

Ta myghin as firrinys coadey yn ree: as ta e stoyl-reeoil cummit seose liorish trocairys.

Raaghyn Creeney 6:21

Kiangle ad kinjagh er dty chree, as sniem ad mysh dty wannal.

Raaghyn Creeney 7:3

Kiangle ad er dty veïr, scrieu ad er glaare dty chree.

Jeremiah 17:1

Ta peccah Yudah scruit lesh pen yiarn, as lesh baare diamond; te grainnit er glaare nyn gree, as er eairkyn nyn altaryn;

Hosea 4:1

Eaisht-jee rish goo yn Chiarn, shiuish chloan Israel: son ta cooish ec y Chiarn rish cummaltee ny cheerey, son nagh vel ynrickys, ny myghin, ny tushtey dy Yee ayns y cheer.

Malachi 2:6

Va’n leigh dy ynrickys ayns e veeal, as cha row loght er ny gheddyn ayns e veillyn: jimmee eh mârym’s ayns shee as cairys, as hyndaa eh ymmodee veih mee-chairys.

Noo Mian 23:23

Smerg diu scrudeyryn as Phariseeyn, chrauee-oalsey; son ta shiu geeck jaghee jeh mynthey, anise as cummin, agh cha vel shiu er chooilleeney currymyn s’ymmyrchee yn leigh, cairys, myghin as firrinys: ad shoh lhisagh shiu v’er n’yannoo, fegooish y chooid elley y aagail gyn jannoo.

2 Corinthianee 3:3

Son wheesh as dy vel shiu dy cronnal er nyn soilshaghey dy ve screeuyn Chreest, t’er ny hirveish liorinyn, scruit cha nee lesh ink, agh lesh Spyrryd yn Jee bio; cha nee er buird chloaie, agh er buird foalley’n chree.

Ephesianee 5:9

(Son ta mess y Spyrryd shassoo ayns dy chooilley vieys, as cairys, as firrinys),

Deuteronomy 6:8

As nee oo kiangley ad son cowrey er dty laue, as bee ad myr imraa eddyr dty hooillyn.

Hebrewnee 10:16

Shoh yn conaant neem’s y yannoo roo lurg ny laghyn shen, ta’n Chiarn dy ghra, My leighyn ver-yms ayns ny creeaghyn oc, as ayns nyn aignaghyn neem’s ad y scrieu;