Raaghyn Creeney 3:28 - Yn Vible Casherick 1775 1819

²⁸ Ny abbyr rish dty naboo, Royd oo, as tar reesht, as mairagh ver-yms dhyt eh: tra te ayd liort.

Raaghyn Creeney 3:28 ပူးပေါင်းရင်းမြစ်များ

Raaghyn Creeney 27:1

Ny jean boggyssagh jeed hene mychione y laa mairagh; son cha vel fys ayd, cre ver y laa lesh mygeayrt.

Ecclesiastes 11:6

’Sy voghrey cuirr dty rass, as ec yn astyr ny lhaggee dty laue: son cha vel fys ayd quoi jeu nee bishaghey, edyr shoh ny shen; er-nonney bee ad ny-neesht co-laik mie.

Ecclesiastes 9:10

Cre-erbee t’ou goaill ayns laue dy yannoo, jean eh lesh dty niart, son cha vel veg yn obbyr, ny saase, ny tushtey, ny creenaght, ayns yn oaie raad t’ou goll.

Arrane Solomon 5:3

Ta mee er choyrt jee’m my gharmadyn, kys yioym ad moom? ta mee er niee my chassyn, kys nee’m ad y vroghey?

Leviticus 19:13

Cha jean oo molley dty naboo, ny tranlaase ’yannoo er: cha bee faill y labree ayns dty laue fud-ny-hoie, derrey’n voghrey.

2 Corinthianee 8:11

Nish er-y-fa shen cur-jee mullagh er yn obbyr; myr va aigney arryltagh eu, dy vod shen myrgeddin ve jeant mie ass shen ny ta fo nyn rere.

2 Corinthianee 9:3

Ny-yeih hug mee ny braaraghyn hiu, er-aggle dy beagh yn voggyssagh ain jiuish ayns fardail ayns y chooish shoh; dy voddagh shiu, myr dooyrt mee, ve aarloo:

1 Timothy 6:18

Dy jean ad mie, dy bee ad berchagh ayns obbraghyn mie, aignagh dy rheynn, arryltagh dy choyrt da ny boghtyn;