Raaghyn Creeney 3:27 - Yn Vible Casherick 1775 1819

²⁷ Ny jean thurn mie y lhiettal vouesyn, daue te cair, tra te ayns pooar dty laue dy yannoo eh.

Raaghyn Creeney 3:27 ပူးပေါင်းရင်းမြစ်များ

Genesis 31:29

Te ayns pooar my laue dy yannoo skielley dhyt: agh loayr Jee dt’ayrey rhym’s ’syn oie riyr, gra, Cur twoaie, nagh loayr oo rish Jacob edyr mie ny sie.

Micah 2:1

Smerg dauesyn ta shêgin er mee-chairys, as smooinaghtyn er yn olk er nyn lhiabbaghyn! cha leah’s ta’n moghrey soilshaghey t’ad cur rish, er-yn-oyr dy vel eh ayns pooar nyn laue.

Romanee 13:7

Eeck-jee er-y-fa shen da dy chooilley unnane e chair; keesh dauesyn ta keesh cair, custom dauesyn ta custom; aggle dauesyn ta aggle; ooashley dauesyn ta ooashley cair.

Galatianee 6:10

Myr ta caa ain er-y-fa shen, lhig dooin mie ’yannoo da dy chooilley ghooinney, er-lheh dauesyn ta jeh lught-thie’n chredjue.

Deuteronomy 15:13

As tra t’ou coyrt e reamys da; cha der oo eh ersooyl follym:

Titus 2:14

Hug eh-hene er nyn son, dy voddagh eh shin y eaysley veih dy chooilley vee-chraueeaght, as casherickey da hene pobble reiht, jeean ayns obbraghyn mie.

Jamys 5:4

Cur-my-ner, ta faill ny labreeyn, ta er vuinn ny magheryn eu, ta lieriuish er ny reayll voue dy molteyragh, gaccan: as ta eam ny beayneeyn er n’gholl stiagh ayns cleayshyn y Chiarn dy Heshaght-chaggee flaunys.