Raaghyn Creeney 3:25 - Yn Vible Casherick 1775 1819

²⁵ Ny gow aggle roish seaghyn doaltattym, ny roish traartys ny mee-chrauee, tra te cheet orroo.

Raaghyn Creeney 3:25 ပူးပေါင်းရင်းမြစ်များ

Psalmyn 112:7

Cha bee eh agglagh jeh drogh naight erbee: son ta e chree shassoo shickyr, as credjal ayns y Chiarn.

Psalmyn 73:19

Dy jarroo, eer myr dreamal tra ta fer doostey: myr shen ver oo er y chaslys oc dy lheïe ersooyl ass yn ard-valley.

Psalmyn 91:5

Cha bee aggle ort roish atchim erbee ’syn oie: ny roish y tide ta lhiggit ’sy laa:

Raaghyn Creeney 1:27

Tra ta’n aggle cheet erriu myr traartys, as nyn doyrt-mow myr geay-chassee: tra hig chennid as angaish erriu.

Isaiah 54:14

Ayns ynrickys bee oo er dty hickyraghey: bee oo foddey veih tranlaase; son cha bee aggle ort: as bee oo foddey veih atchim; son cha jig eh dty choair.

Micah 4:4

Agh nee ad soie dy chooilley ghooinney fo yn villey-feeyney echey hene, as fo yn villey-figgagh echey hene, as cha bee aggle orroo roish noid erbee: son ta beeal Chiarn ny flaunyssee er loayrt eh.

Zechariah 9:8

As nee’m campal mygeayrt my hie lesh sheshaght-caggee, dy endeil eshyn ta cheet as goll huggey as veih: as cha jig tranlaasagh erbee ny hrooid oc arragh: son ta mee nish er yeeaghyn orroo lesh my hooillyn.

Noo Mian 24:15

Tra hee shiu er-y-fa shen eajeeys yn traartys, ta loayrit jeh liorish Daniel y phadeyr, ny hassoo ayns yn ynnyd casherick, (eshyn ta lhaih, lhig da tastey ’ghoaill).

Noo Mian 24:6

As cluinnee shiu jeh caggaghyn, as jeh imraaghyn dy chaggaghyn: jeeagh nagh bee shiu seaghnit: son shegin da dy chooilley nhee jeu shoh cheet gys kione, agh cha bee yn jerrey foast.

Noo Mark 4:40

As dooyrt eh roo, Cre’n-fa ta shiu cha agglagh? kys te nagh vel credjue eu?

Noo Luke 21:9

Agh tra chlinnys shiu jeh caggaghyn as irree-magh, ny bee aggle erriu: son shegin da ny reddyn shoh hoshiaght cheet gy-kione, agh cha bee yn jerrey foast.

Noo Ean 14:1

Ny lhig da’n cree eu ve seaghnit: ta shiu credjal ayns Jee, cred-jee myrgeddin aynym’s.

1 Peddyr 3:14

Agh foast my ta shiu surranse er coontey ynrickys, s’maynrey shiu: as ny bee-jee agglagh roish y baggyrt oc, chamoo bee-jee seaghnit;