Raaghyn Creeney 3:24 - Yn Vible Casherick 1775 1819

²⁴ Tra t’ou lhie sheese, cha bee oo ayns aggle: dy feer, nee oo lhie sheese, as bee dty chadley kiune.

Raaghyn Creeney 3:24 ပူးပေါင်းရင်းမြစ်များ

2 Recortyssyn 20:30

Myr shoh va reeriaght Jehoshaphat ayns shee: son va e Yee er chur fea da er dy chooilley heu.

Lioar Yob 11:19

Nee oo myrgeddin lhie sheese, as cha der dooinney erbee aggle ort; dy feer, nee ymmodee shirrey hood son cooney.

Psalmyn 112:8

Ta e chree er ny hickyraghey, as cha vaill eh: derrey hee eh e aigney er e noidyn.

Psalmyn 127:2

Mannagh vel y Chiarn freayll yn ard-valley: ta’n arreyder dooisht ayns fardail.

Psalmyn 3:5

Lhie mee sheese as chaddil mee, as dirree mee seose reesht: son ren y Chiarn my niartaghey.

Psalmyn 3:6

Cha goym’s aggle roish jeih millaghyn jeh’n sleih: ta er n’irree-magh m’oï er dy chooilley heu.

Psalmyn 4:8

T’ou er choyrt gennallys ayns my chree: er-dyn traa dy ren yn arroo, as y feeyn, as yn ooil ocsyn bishaghey.

Psalmyn 91:5

Cha bee aggle ort roish atchim erbee ’syn oie: ny roish y tide ta lhiggit ’sy laa:

Raaghyn Creeney 1:33

Agh quoi-erbee eaishtys rhym’s, nee eh cummal dy sauchey, as bee eh ec fea veih aggle yn olk.

Raaghyn Creeney 19:23

Ta aggle y Chiarn leeideil gys bea: s’maynrey vees e lheid, as shaghnee eh dagh olk.

Raaghyn Creeney 6:22

Tra t’ou shooyl, bee eh dty leeideilagh, tra t’ou dty chadley, nee eh dty choadey; as tra t’ou doostey, loayree eh rhyt.

Ecclesiastes 5:12

Ta cadley yn labree kiune, my s’beg ny s’mooar e lhongey: agh cha lhig palchey yn verchagh da dy ghoaill fea.

Isaiah 54:14

Ayns ynrickys bee oo er dty hickyraghey: bee oo foddey veih tranlaase; son cha bee aggle ort: as bee oo foddey veih atchim; son cha jig eh dty choair.

Jeremiah 31:26

Er shoh ghooisht mee, as hug mee my-ner; as va my chadley kiune dou.

Ezekiel 34:15

Neem’s fassagh my hioltane, as ver-ym orroo lhie sheese ta’n Chiarn Jee dy ghra.

Ezekiel 34:25

As nee’m conaant dy hee y yannoo roosyn, as ver-ym er ny drogh veishtyn dy herraghtyn ass y cheer: as nee adsyn baghey dy sauchey ayns yn aasagh, as cadley ayns ny keylljyn.

Ezekiel 34:27

As nee billey yn vagher gymmyrkey e vess, as ver yn ooir magh e bishaghey, as bee adsyn dy souyr-sauchey ’sy cheer oc hene, as bee fys oc, dy nee mish y Chiarn, tra ta mee er vrishey kianglaghyn y whing v’orroo, as er livrey ad ass laueyn nyn dranlaasee dewil.

Leviticus 26:6

As ver-yms shee ’sy cheer eu, as nee shiu lhie sheese, as cha bee aggle erbee erriu: as eiyr-ym ersooyl drogh veishtyn ass y cheer, chamoo hed y cliwe [caggee] trooid y cheer.

Jannoo 12:6

As tra baillish Herod v’er choyrt lesh magh eh, yn oie cheddin va Peddyr ny chadley eddyr daa hidoor kianlt lesh daa gheuley; as dreill y watch ec y dorrys arrey er y phryssoon.