Raaghyn Creeney 3:22 - Yn Vible Casherick 1775 1819

²² Myr shen bee ad bea gys dty annym, as aalid gys dty wannal.

Raaghyn Creeney 3:22 ပူးပေါင်းရင်းမြစ်များ

Raaghyn Creeney 1:9

Son bee ad aalid dy ghrayse da dty chione, as myr boandey airhey mysh dty wannal.

Raaghyn Creeney 16:22

Ta tushtey chibbyr y vea dasyn s’liesh eh: agh te ayns fardail dy ynsaghey ommydanyn.

Raaghyn Creeney 19:8

Eh ta geddyn creenaght, shynney lesh e annym hene: eshyn freillys tushtey yiow eh mie.

Raaghyn Creeney 21:21

Eshyn eiyrys er cairys as myghin, yiow eh bea, ynrickys, as ooashley.

Raaghyn Creeney 4:13

Gow greme shickyr er ynsagh, ny lhig voïd ee, cum ayd ee, son t’ee dty vioys.

Raaghyn Creeney 4:22

Son t’ad bioys dauesyn ta dy gheddyn ad, as slaynt da’n slane callin.

Raaghyn Creeney 8:35

Son quoi-erbee ta dy my gheddyn, t’eh geddyn bea, as cosney foayr veih’n Chiarn.

Isaiah 38:16

O Hiarn, lioroo shoh ta deiney beayn, as ayndoo ta bioys my annym: lioroo nee oo my lheihys, as freayll mee bio.

Deuteronomy 32:47

Son cha nee red fardalagh eh diu: er-yn-oyr dy vel nyn mioys lhie er; son liorish shoh bee ny laghyn eu beayn ’sy cheer, huggey t’ou goll harrish Jordan, dy gheddyn eiraght ayn.