Raaghyn Creeney 3:21 - Yn Vible Casherick 1775 1819

²¹ My vac, ny lhig ad ass dty hilley: freill yn ynrycan creenaght, as keeayll vie.

Raaghyn Creeney 3:21 ပူးပေါင်းရင်းမြစ်များ

Raaghyn Creeney 1:4

Dy choyrt keeayll da’n ôney, da’n dooinney aeg, toiggal as feeudys.

Raaghyn Creeney 18:1

Ta dooinney, lurg e aigney, scarrey eh-hene [veih cooishyn elley] as shirrey magh, as dellal ayns dy chooilley chreenaght.

Raaghyn Creeney 19:8

Eh ta geddyn creenaght, shynney lesh e annym hene: eshyn freillys tushtey yiow eh mie.

Raaghyn Creeney 2:7

T’eh tashtey seose slane creenaght son y dooinney cairal: t’eh myr eilley-caggee dauesyn ta gimmeeaght dy jeeragh.

Raaghyn Creeney 4:21

Ny lhig ad ass dty hilley, freill ad ayns cree dty chree.

Raaghyn Creeney 4:6

Ny treig ee, as nee ish oo y choadey: bee graihagh urree, as nee ish fendeil oo.

Raaghyn Creeney 5:2

Dy vod oo cur geill da coyrle vie, as dy vod dty veillyn freayll tushtey.

Raaghyn Creeney 8:14

Mârym’s ta coyrle vie, as keeayl fondagh: mish tushtey, as mish niart.

Noo Ean 8:31

Eisht dooyrt Yeesey rish ny Hewnyn shen va credjal ayn, My nee shiu tannaghtyn ayns my ghoo, eisht bee shiu dy jarroo ny ynseydee aym’s;

Deuteronomy 4:9

Ynrycan, jeeagh royd, as freill dty annym dy imneagh, nagh jarrood oo ny reddyn ta dty hooillyn er vakin; as nagh jed ad ass dty chree, ooilley laghyn dty vea: agh ynsee ad da dty vec, as da cloan dty chlienney:

Joshua 1:8

Bee’n lioar shoh jeh’n leigh dy kinjagh ayns dty veeal; as bee dty smooinaghtyn dowin ayn oie as laa, dy vod oo tastey y ghoaill dy yannoo cordail rish ooilley ny ta scruit ayn: son eisht hig dty chooishyn dy mie lhiat, as bee oo er dty vannaghey.

1 Ean 2:24

Lhig da shen eisht tannaghtyn ayndiu, ta shiu er chlashtyn er-dyn toshiaght. My nee shen ta shiu er chlashtyn er-dyn toshiaght tannaghtyn ayndiu, nee shiuish myrgeddin tannaghtyn ayns y Mac, as ayns yn Ayr.

1 Ean 2:27

Agh ta’n ooilaghey ta shiu er gheddyn veihsyn, tannaghtyn ayndiu: as cha vel feme eu dooinney erbee dy ynsaghey shiu: Agh myr ta’n ooilaghey cheddin gynsaghey shiu mychione dy chooilley nhee, as dy nee’n irriney eh, as cha nee breg: as dy jarroo myr t’eh er n’ynsaghey shiu, nee shiu tannaghtyn aynsyn.