Raaghyn Creeney 3:2 - Yn Vible Casherick 1775 1819

² Son lhiurid laghyn, as bea veayn, as shee, nee ad bishaghey ort.

Raaghyn Creeney 3:2 ပူးပေါင်းရင်းမြစ်များ

1 Reeaghyn 3:14

As my nee oo shooyl ayns my raaidyn, dy reayll my lattyssyn as my haraghyn, myr ren dty ayr David, eisht nee’m dty laghyn dy ve beayn.

Lioar Yob 5:26

Hig oo gys dty oaie ayns slane eash, myr ta toorran arroo cheet stiagh ’syn imbagh cooie.

Psalmyn 119:165

S’mooar ta’n shee t’ocsyn ta graihagh er dty leigh: as cha der nhee erbee orroo eh y hreigeil.

Psalmyn 128:6

Nee yn Chiarn magh ass Sion myr shen oo y vannaghey: dy vaik oo Jerusalem ayns maynrys ooilley laghyn dty vea;

Psalmyn 21:4

Hir eh bea ort’s, as hug oo da bea liauyr: dy jarroo son dy bragh as dy bragh.

Psalmyn 91:16

Lesh bea liauyr neem’s eh y yannoo booiagh: as soilshee-ym da my haualtys.

Raaghyn Creeney 10:27

Ta aggle y Chiarn beaynaghey laghyn: agh bee bleeantyn ny mee-chrauee goit giare.

Raaghyn Creeney 16:31

Ta’n kione lheeah attey dy ghloyr, my te ry-gheddyn ayns raad yn ynrickys.

Raaghyn Creeney 4:10

Eaisht, O my vac, as gow my raaghyn hood: as bee bleeantyn dty heihll ymmodee.

Raaghyn Creeney 4:4

Dynsee eshyn mee neesht, as dooyrt eh rhym, Lhig da dty chree goaill stiagh my ghoan: freill my annaghyn, as bee oo bio.

Raaghyn Creeney 9:11

Son liorym’s bee dty laghyn ymmodee, as bleeantyn dty vea er ny vishaghey.

Isaiah 32:17

As bee obbyr ynrickys, shee; as jerrey ynrickys, fea as shickyrys son dy bragh.

Romanee 14:17

Son cha nee bee ny jough reeriaght Yee, agh cairys, as shee, as boggey ayns y Spyrryd Noo.

Romanee 15:13

Nish dy jean y Jee dy hreishteil shiuish y lhieeney lesh dy chooilley voggey as shee ayns credjal, dy vod shiu bishaghey ayns treishteil trooid pooar y Spyrryd Noo.

Romanee 5:1

Shen-y-fa er nyn seyrey liorish credjue, ta shee ain rish Jee, trooid nyn Jiarn Yeesey Creest.

Deuteronomy 11:21

Dy vod ny laghyn eu hene, as laghyn nyn gloan ve beayn ’sy cheer, vreear y Chiarn dy choyrt da dty ayraghyn, choud as vees y seihll er-mayrn.

Deuteronomy 5:32

Nee shiuish, er-y-fa shen, kiarail y ghoaill, dy yannoo myr ta’n Chiarn er harey diu: cha jyndaa shiu dy lhiattee gys y laue yesh, ny gys y laue chiare.

1 Timothy 4:8

Er son shirveish y challin cha vooar yn ymmyd t’ayn: agh ta craueeaght vondeishagh gys dy chooilley nhee, myr ta gialdyn echey jeh’n vea ta nish ayn, as jeh shen ta ry-heet.