Raaghyn Creeney 3:18 - Yn Vible Casherick 1775 1819

¹⁸ T’ee yn billey dy vea dauesyn ta dy chosney ee, as s’maynrey ta dy chooilley unnane ta dy reayll ee.

Raaghyn Creeney 3:18 ပူးပေါင်းရင်းမြစ်များ

Genesis 2:9

As magh ass y thalloo hug y Chiarn Jee er dy chooilley villey gaase ta pleasal da’n thooill, as mie son beaghey; yn billey dy vea myrgeddin t’ayns mean y gharey, as y billey dy hushtey jeh mie as sie.

Genesis 3:22

As dooyrt y Chiarn Jee, Cur-my-ner ta’n dooinney myr-yien er jeet dy ve myr unnane j’inyn, dy hoiggal mie as sie: as nish son nagh der eh magh e laue, as dy gow eh myrgeddin jeh billey’n vea, as gee jeh, as ve dy bragh beayn.

Raaghyn Creeney 11:30

Ta mess y dooinney cairagh billey dy vea, as eshyn chosnys anmeenyn, t’eh creeney.

Raaghyn Creeney 13:12

Ta’n treishteil ta lhiggit shaghey jannoo ching jeh’n chree: agh tra ta’n yeearree jeant magh, te eer billey dy vea.

Raaghyn Creeney 15:4

Ta chengey gherjoilagh billey dy vea: agh ta lhag-smaght aynjee brishey yn spyrryd.

Raaghyn Creeney 4:13

Gow greme shickyr er ynsagh, ny lhig voïd ee, cum ayd ee, son t’ee dty vioys.

Raaghyn Creeney 8:32

Nish er-y-fa shen, eaisht-jee rhym’s, O shiuish my chloan: son bannit t’adsyn ta freayll my raaidyn.

Raaghyn Creeney 8:34

S’maynrey’n dooinney, ta dy my chlashtyn, ta er e arrey gagh laa ec my yiattyn, farkiaght ec essynyn my ghorrys.

Ecclesiastes 7:12

Son ta creenaght ny endeilagh, as ta argid ny endeilagh: agh te foays mooar tushtey, dy vel creenaght cur bea dauesyn ta bannit lesh.

Ashlish 2:7

Eshyn ta cleaysh echey, lhig da clashtyn cre ta’n Spyrryd dy ghra rish ny kialteenyn. Dasyn yiow yn varriaght ver-ym’s dy ee jeh billey yn vea, ta ayns mean paradise Yee.

Ashlish 22:2

Ayns mean y straid eck, as er dagh cheu jeh’n awin, va billey yn vea, va ceau daa cheint jeig dy vessyn, as ren gymmyrkey mess dy chooilley vee: as va duillagyn y villey son slaynt ny Hashoonyn.