Raaghyn Creeney 3:16 - Yn Vible Casherick 1775 1819

¹⁶ Ta beaynid laghyn ayns y laue yesh eck, as ayns e laue chiare berchys as ooashley.

Raaghyn Creeney 3:16 ပူးပေါင်းရင်းမြစ်များ

1 Reeaghyn 3:13

As ta mee myrgeddin er choyrt dhyt shen nagh vel oo er hirrey, chammah berchys as ooashley; myr shen nagh bee unnane erbee mastey ny reeaghyn casley rhyt ooilley dty laghyn.

Lioar Yob 39:12

Vod oo credjal dy der eshyn lesh thie dty arroo, as chaglym stiagh eh gys dty hoalt?

Psalmyn 112:3

Bee berchys as palchey ayns e hie: as nee e chairys farraghtyn son dy bragh.

Psalmyn 21:4

Hir eh bea ort’s, as hug oo da bea liauyr: dy jarroo son dy bragh as dy bragh.

Psalmyn 71:9

Son ta my noidyn loayrt m’oï, as t’adsyn ta lhie farkiaght son m’annym, coyrt nyn goyrle dy cheilley, gra: Ta Jee er hreigeil eh; eiyr-jee er, as gow-jee eh; son cha vel fer erbee dy livrey eh.

Raaghyn Creeney 22:4

Liorish injillid, as aggle y Chiarn ta cheet berchys, as ooashley, as bea.

Raaghyn Creeney 3:2

Son lhiurid laghyn, as bea veayn, as shee, nee ad bishaghey ort.

Raaghyn Creeney 9:11

Son liorym’s bee dty laghyn ymmodee, as bleeantyn dty vea er ny vishaghey.

Noo Mark 10:30

Nagh vow keead-filley nish ayns y traa shoh, thieyn, as braaraghyn, as shayraghyn, as moiraghyn, as cloan, as thalloo, lesh seaghyn; as ayns y theihll ta ry-heet yn vea veayn.

2 Corinthianee 6:10

Myr lane dy hrimshey, foast dy kinjagh gennal; myr boghtyn, foast jannoo ymmodee berchagh; myr nagh beagh ain nhee erbee, as foast dy chooilley nhee ain.

1 Timothy 4:8

Er son shirveish y challin cha vooar yn ymmyd t’ayn: agh ta craueeaght vondeishagh gys dy chooilley nhee, myr ta gialdyn echey jeh’n vea ta nish ayn, as jeh shen ta ry-heet.