Raaghyn Creeney 3:10 - Yn Vible Casherick 1775 1819

¹⁰ Myr shen bee dty hoaltyn lhieent lesh sonnys, as nee dty ghoaghyn-feeyney roie harrish lesh feeyn noa.

Raaghyn Creeney 3:10 ပူးပေါင်းရင်းမြစ်များ

2 Recortyssyn 31:10

As dreggyr Azariah ard-saggyrt thie Zadok eh, as dooyrt eh, Er-dyn traa ren y pobble toshiaght dy chur lhieu ny ourallyn stiagh ayns thie yn Chiarn, ta dy liooar er ve ain son beaghey, as nyn saie fooilliagh: son ta’n Chiarn er vannaghey e phobble; as shen ny ta faagit, yn stoyr mooar shoh.

2 Recortyssyn 31:21

As ayns dy chooilley obbyr ghow eh ayns laue dy yannoo ayns shirveish thie Yee, as cordail rish y leigh, as ny annaghyn, dy hirrey e Yee, shen ren eh lesh ooilley e chree, as haink eh lesh myrgeddin.

Psalmyn 144:13

Dy vod ny thieyn-tashtee ain ’ve lane, as jeant magh dy palchey lesh dy chooilley horch dy stoyr: dy vod ny kirree ain bishaghey gys thousaneyn as jeih thousaneyn ayns nyn oayll;

Raaghyn Creeney 19:17

Eshyn ta giastyllagh da ny boghtyn, t’eh geeasaght da’n Chiarn: as son shen t’eh myr shoh dy vaarail, bee eh er ny eeck da reesht.

Raaghyn Creeney 22:9

Er y thooill feoilt hig bannaght ny ghaa: son t’eh shirveish kuse jeh e arran er ny boghtyn.

Joel 2:24

As bee ny laareyn-vooie lane dy churnaght, as ny doaghyn lhieeney harrish lesh feeyn as ooil.

Haggai 2:19

Vel yn arroo foast ayns y toalt? dy jarroo cha vel y billey-feeyney, ny yn billey-figgagh, ny yn pomegranate, ny yn billey-olive foast er n’ymmyrkey nyn mess: veih’n laa shen neem’s shiu y vannaghey.

Noo Mian 10:42

As quoi-erbee ver agh cappan dy ushtey feayr da unnane jeh’n vooinjer veggey shoh dy iu, son dy vel eh credjal aynym’s, dy firrinagh ta mee gra riu, nagh jean eh er aght erbee e leagh y choayl.

Deuteronomy 14:29

As hig y Levite (son nagh vel ayrn ny eiraght echey mayrt) as y joarree, as y lhiannoo gyn ayr, as y ven-treoghe, t’er cheu-sthie jeh dty yiattyn, as nee ad gee, as bee ad jeant magh: dy vod yn Chiarn dty Yee oo y vannaghey ayns dy chooilley obbyr t’ou cur dty laue huggey.

Deuteronomy 28:8

Nee’n Chiarn sarey bannaght ort, ayns dty hoaltyn, as ayns ooilley ny t’ou coyrt dty laue huggey: as nee eh dty vannaghey ’sy cheer, ta’n Chiarn dty Yee dy choyrt dhyt.