Raaghyn Creeney 3:1 - Yn Vible Casherick 1775 1819

¹ My vac, ny jarrood my leigh; agh lhig da dty chree freayll my annaghyn.

Raaghyn Creeney 3:1 ပူးပေါင်းရင်းမြစ်များ

Psalmyn 119:11

Dty ghoan ta mee er ollaghey cheu-sthie ayns my chree: nagh jinnin peccah dt’oï.

Psalmyn 119:153

O smooinee er my arkys, as livrey mee: son cha vel mee jarrood dty leigh.

Psalmyn 119:16

Bee my haitnys ayns dty lattyssyn: as cha jarrood-ym dty ghoo.

Psalmyn 119:176

Ta mee er n’gholl er-shaghryn myr keyrrey chailjey: O cur lhiat thie dty harvaant; son cha vel mee jarrood dty annaghyn.

Psalmyn 119:34

Cur dou tushtey, as freill-ym dty leigh: freill-ym eh dy jarroo lesh ooilley my chree.

Psalmyn 119:61

Ta sheshaghtyn ny mee-chrauee er my roostey: agh cha vel mish er yarrood dty leigh.

Psalmyn 119:93

Cha jarrood-ym dt’annaghyn dy bragh: son lioroosyn t’ou er my vioghey.

Psalmyn 91:16

Lesh bea liauyr neem’s eh y yannoo booiagh: as soilshee-ym da my haualtys.

Exodus 20:6

As soilshaghey myghin er thousaneyn jeusyn ta graihagh orrym, as freaylley m’annaghyn.

Raaghyn Creeney 1:8

My vac, eaisht rish ynsagh dty ayrey, as ny treig uss leigh dty vayrey.

Raaghyn Creeney 16:31

Ta’n kione lheeah attey dy ghloyr, my te ry-gheddyn ayns raad yn ynrickys.

Raaghyn Creeney 2:1

My vac, my nee oo soiaghey jeh my ghoan, as my annaghyn y reayll dowin follit ayns dty chree;

Raaghyn Creeney 23:26

My vac, cur dooys dty chree, as lhig da dty hooillyn cur tastey da my raaidyn.

Raaghyn Creeney 31:5

Er-aggle dy n’iu ad, as dy jarrood ad yn leigh, as dy jean ad cassey briwnys dooinney seaghnit erbee.

Raaghyn Creeney 4:2

Son ta mee dy choyrt diu ynsagh mie, ny treig-jee my choyrle.

Raaghyn Creeney 4:21

Ny lhig ad ass dty hilley, freill ad ayns cree dty chree.

Raaghyn Creeney 4:5

Jean creenaght y chosney, cosne tushtey: ny jarrood eh, as ny jean scarrey rish goan my veeal.

Raaghyn Creeney 8:1

Nagh vel creenaght geamagh, as tushtey cur magh e coraa?

Raaghyn Creeney 9:1

Ta creenaght er droggal thie jee hene, t’ee er chummey jee hene shiaght pillaryn.

Isaiah 51:17

Dooisht, dooisht, shass seose, O Yerusalem, t’er n’iu veih laue yn Chiarn cappan e eulys: t’ou uss er n’iu drundin y chappan atchimagh, as er hraastey ad.

Jeremiah 31:33

Agh shoh vees y conaant neem’s rish thie Israel; Lurg ny laghyn shen, ta’n Chiarn dy ghra, ver-yms my leigh er cheu-sthie jeu, as scrieu-yms eh er nyn greeaghyn; as beem’s yn Jee oc, as bee adsyn my phobble’s.

Hosea 4:6

Ta my phobble’s goll naardey son laccal tushtey: son dy vel uss er n’yiooldey rish tushtey, jioold-yms myrgeddin rhyt’s, nagh bee oo ny-sodjey son saggyrt dooys: fakin dy vel oo er yarrood leigh dty Yee’s, neem’s myrgeddin yn chloan ayd’s y yarrood.

Deuteronomy 4:23

Bee-jee er nyn dwoaie, er-aggle dy jarrood shiu conaant y Chiarn nyn Yee, ren eh riu, as nagh jean shiu diu hene jalloo grainnit, ny co-chaslys nhee erbee ta’n Chiarn dty Yee er lhiettal dhyt.

Deuteronomy 4:9

Ynrycan, jeeagh royd, as freill dty annym dy imneagh, nagh jarrood oo ny reddyn ta dty hooillyn er vakin; as nagh jed ad ass dty chree, ooilley laghyn dty vea: agh ynsee ad da dty vec, as da cloan dty chlienney:

Deuteronomy 5:16

Cur arrym da dt’ayr, as da dty voir, myr ren y Chiarn dty harey; dy vod dty laghyn ve foddey beayn, as dy vod oo ve maynrey ayns y cheer ta’n Chiarn dty Yee dy chur dhyt.

Deuteronomy 5:33

Nee shiu gimmeeaght ayns ooilley ny raaidyn, ta’n Chiarn y Jee eu er harey diu, dy vod shiu ve bio, as maynrey, as dy vod nyn laghyn ve beayn, ayns y cheer ta kiarit diu son eiraght.

Deuteronomy 8:1

Ver shiu tastey dy chooilleeney ooilley ny annaghyn ta mee dy harey dhyt jiu, dy vod shiu ve beayn, as bishaghey, as goll stiagh, dy ghoaill possession jeh’n cheer, vreear y Chiarn da ny ayraghyn eu.